Utbetalingsdatoar

NAV fører over pengane til bankane nokre dagar før. Det kan difor hende at du får utbetalinga på konto tidlegare enn datoen som er oppgitt. Du kan sjekke kva du har fått utbetalt i utbetalingsoversikta di.

Utbetaling i utlandet

Dersom du får ei utbetaling frå NAV til konto i utlandet, kan du vente å få pengane på konto 1 til 2 dagar etter utbetalingsdatoen til ein norsk konto.

Har du ikkje fått utbetalinga di?

Viss du ikkje har fått pengane til venta tid, kan du kontakte oss.

Sjekk gjerne at du har lagt inn rett kontonummer. Slik unngår du forseinka utbetaling dersom kontonummeret er feil.

• Logg inn for å sjekke eller endre kontonummer for utbetalingar

Utbetaling av pengestøtte frå NAV til utanlandske kontoar kan ta lengre tid.

Dersom ein teknisk feil fører til at mange vil få forseinka utbetaling, informerer vi om det på nav.no.