Økonomisk sosialhjelp

Alle har rett til å søkje om økonomisk sosialhjelp og få vurdert behovet sitt. 

Du må i utgangspunktet ha lovleg opphald i Noreg for å ha rett på økonomisk sosialhjelp. Du har ikkje rett på økonomisk sosialhjelp dersom du oppheld deg i utlandet.

Når alle andre inntektsmoglegheiter er utnytta fullt ut, men ikkje strekk til, kan du ha rett på økonomisk sosialhjelp. Andre inntektsmoglegheiter kan vere inntektsgivande arbeid, eigne midlar og andre økonomiske rettar.

Du har rett på opplysning, råd og rettleiing fra NAV uavhengig av om du har rett på økonomisk sosialhjelp.

Hjelp i ein nødssituasjon skal dekkje heilt nødvendlige utgifter for ein kort periode. Det kan til dømes vere støtte til:

• mat
• reise
• rekningar som du må betale for å unngå å miste nødvendlige tenester som straum eller liknande
• buutgifter

Du kan søkje skriftleg ved å bruke søknadsskjema for økonomisk sosialhjelp dersom du treng hjelp i ein nødssituasjon. Du bør i tillegg ta kontakt med NAV-kontoret i kommunen du oppheld deg i, eller ringje NAV på 55 55 33 33. 

Finn ditt NAV-kontor

Dersom du ikkje har ein stad å sove og opphalde deg på det neste døgnet, kan du også søkje om hjelp til å finne eit mellombels butilbod. 

Du kan søkje om å få hjelp med nødvendige utgifter du ikkje klarer å dekkje på eiga hand. 

Vi kan gi deg opplysning, råd og retleiing viss du ønskjer hjelp til å finne ut kva du kan ha rett på.

For deg som har låg inntekt og høge buutgifter, kan bustøtte vere ei aktuell støtteordning. Les meir om  bustøtte på husbanken.no. Du kan også sjå videoen om bustøtte.

Sjå video: Bostøtte fra Husbanken

Varighet er 3 min

Har du gjeldsproblem?

Du kan i utgangspunktet ikkje få økonomisk støtte til å betale utgifter til gjeld. I enkelte tilfelle kan vi vurdere å gi økonomisk støtte til å betale utgifter til gjeld. Dette gjeld til dømes i situasjonar der du held på å miste bustaden din eller få kutta straumen, og det ikkje finst andre utvegar for å hindre at dette skjer.

Dersom du har gjeld, kan du få økonomisk rådgivning. 

Du har rett på opplysning, råd og veiledning, uavhengig av om du har rett til økonomisk sosialhjelp.

Vi vurderer ut frå situasjonen din, inntektene og utgiftene dine kor mykje du kan få i økonomisk støtte.

Alle kommunar har rettleiande satsar for livsopphald. Nokre kommunar har eigne satsar, medan andre kommunar følgjer dei statlege rettleiande satsar.

Satsane blir brukte som eit utgangspunkt for å berekna kor mykje du kan få utbetalt, men det skal òg vurderast ut ifrå situasjonen din. Satsane omfattar utgifter til heilt grunnleggjande behov som mat, klede, kommunikasjon, hushaldsartiklar, hygiene med meir. Utgifter til å bu, som husleige og straum, kjem i tillegg.

Er du gift, sambuar eller har barn?

Du har ulike ulike rettar og plikter som forsørgjar. Dersom du er gift eller sambuar og har barn, har de gjensidig forsørgingsplikt for felles barn. Dersom du er gift, har du og ektefellen din gjensidig plikt til å forsørgje kvarandre.

Økonomisk sosialhjelp er ein mellombels stønad. Kor lenge du kan få økonomisk sosialhjelp, avheng av situasjonen din.

Når du får økonomisk sosialhjelp, får du oppfølging frå Nav slik at du kan bli selvforsørget.

Dersom du treng hjelp med å finne ut av kva moglegheiter du har, kan du kontakte kontoret ditt. Du kan også kontakte oss på telefon.

Når du søkjer, må du gje opplysningar om deg sjølv og den økonomiske situasjonen din. Du kan dokumentere opplysningane med vedlegg til søknaden din.

Viss vi treng fleire opplysningar for å behandle saka di, tek vi kontakt med deg.

Korleis vurderer vi søknaden din

Vi vurderer behovet ditt for økonomisk sosialhjelp saman med deg og gjer ei individuell vurdering av søknaden din.

I vurderinga tek vi omsyn til nødvendige utgifter du har for å leve, inntekta di og moglegheitene dine for framtidig inntekt.

Vi tek omsyn til alder, familiesituasjon, helse og korleis du bur. Dersom du har barn, tek vi særlege omsyn til behova deira i vurderinga.

Det er viktig at du informerer oss om alt du har av inntekter og utgifter, slik at vi får vurdert situasjonen din og behovet ditt for hjelp.

Dersom du har søkt digitalt, finn du ei liste over alle søknadene dine om økonomisk sosialhjelp på nav.no. Her kan du mellom anna følgje statusen for søknaden din, og sjå om du må levere ytterlegare opplysningar for at vi skal kunne behandle søknaden. 

Logg inn for å se søknadene dine

Når søknaden din er ferdigbehandla får du eit skriftleg svar, også kalla vedtaksbrev. Du kan logge inn for å lese vedtaket.

I vedtaket ditt kan du lese om kva du har rett på. Dersom du og rettleiaren din har avtalt at du skal vera i aktivitet i løpet av vedtaksperioden, står det beskrive i vedtaket.

I vedtaksbrevet ditt finner du informasjon om beløp og utbetalingar.

Rettleieren din kan setje vilkår (krav) om ein aktivitet eller ei handling for å hjelpe deg med din økonomiske situasjon. Krav til aktivitet skal hjelpe deg i å oppnå måla dine om økonomisk sjølvstende.

Dersom du ikkje oppfyller vilkåra du har avtalt med NAV, kan det få konsekvensar for den økonomiske støtta du får frå NAV.

Du må som hovudregel opphalde deg i Noreg for å ha rett på økonomisk sosialhjelp.

Dersom du skal reise til utlandet, må du avklare dette med NAV-kontoret før du reiser. Reiser til utlandet kan påverke utbetalingane dine.

Kontakt oss dersom du skal ha ferie eller reise til utlandet.

Finn ditt NAV-kontor

Dersom det skjer endringar i situasjonen din, kan de ha innverknad på oppfølginga eller utbetalingar du får frå NAV. Det er derfor viktig å gi NAV beskjed om endringane. Det kan vere endringar med omsyn til inntekt, familiesituasjon, jobbsituasjon, og så vidare. 

Dersom du er gift eller registrert partnar, må du også melde frå til NAV dersom situasjonen til ektefellen/partnaren din endrar seg. 

Dersom du er usikker på om endringa vil påverke utbetalinga di, kan du kontakte oss på ta kontakt med oss på telefon.