Opplysning, råd og rettleiing

Dersom du har behov for ein rettleiingssamtale med oss, kan du ta kontakt med NAV-kontoret ditt.

Du treng ikkje å allereie vere i ein vanskeleg situasjon for å få ein samtale. Du treng heller ikkje å ha rett på stønader frå NAV for å be om ein samtale. Vi tilbyr deg ein samtale ut frå dei behova du har.

Vi har plikt til å rettleie deg om tenester og stønader som du kan få.

Dersom du treng hjelp frå andre offentlege tenester, skal vi hjelpe deg med å kome i kontakt med dei.

Dersom du ønskjer det, kan vi samarbeide med fleire offentlege tenester for å kunne gi deg best mogleg hjelp, for eksempel skulen, fastlegen, oppfølgingstenesta, barnevernet, barne- og ungdomspsykiatrien og distriktspsykiatriske senter (DPS).

Dersom du får økonomisk sosialhjelp, kan ein rettleiingssamtale bidra til at du lettare klarer deg sjølv..

NAV kan også gi deg råd om økonomi og gjeld. Du kan prate med oss på telefonen eller møte oss på NAV-kontoret.

Alle medarbeidarane i NAV har teieplikt.

Rettleiingssamtalen skal skje på ein uforstyrra stad. Du kan velje om du vil ha samtalen på NAV-kontoret eller digitalt.