Dette kan du ha rett til

Har ikkje pengar til mat, bustad eller andre utgifter

Om pengestøtte du kan få når du ikkje har pengar til nødvendige utgifter eller er i ein nødssituasjon.

Har du ikkje pengar til mat, bustad eller andre nødvendige utgifter?

Økonomisk sosialhjelp er ei mellombels økonomisk støtte som skal dekkje nødvendige utgifter til å leve og bu. Nav kan krevje at du gjennomfører aktivitetar når du får økonomisk sosialhjelp.

Alle har rett til å søkje om økonomisk sosialhjelp og få ei individuell vurdering av søknaden sin.

Økonomisk sosialhjelp

Er du i ein nødssituasjon

Hjelp i ein nødssituasjon (nødhjelp) skal dekkje heilt nødvendige utgifter for ein kort periode. Det kan til dømes vere støtte til:

mat
reise
rekningar som du må betale for å unngå å miste nødvendige tenester som straum eller liknande
anna utgifter

Du bruker søknadsskjema for økonomisk sosialhjelp dersom du treng hjelp i ein nødssituasjon. Skriv gjerne at du treng hjelp i ein nødssituasjon. Kan du ikkje sende digital søknad, bør du ta kontakt med Nav-kontoret i kommunen du bur eller oppheld deg i.

Finn ditt Nav-kontor

Dersom du ikkje har ein stad å sove og opphalde deg på det neste døgnet, kan du også søkje om hjelp til å finne eit mellombels butilbod.

Treng du hjelp med å kome i jobb eller aktivitet?

Nav kan hjelpe deg å kome ut i jobb eller aktivitet. Treng du hjelp med å finne ut av kva moglegheiter du har? Ta kontakt med Nav-kontoret ditt. Du kan også kontakte oss på telefon.

Trenger hjelp til å komme i jobb

Vurderer du å ta utdanning eller vidaregåande, eller treng du hjelp til å fullføre?

Trenger hjelp til å fullføre utdanning

Anna økonomisk støtte

Dagpenger

Ei pengestøtte du kan få når du er arbeidsledig eller permittert.

Tiltakspenger

Ei pengestøtte du kan få når du er i eit arbeidsmarknadstiltak.

Arbeidsavklaringspengar (AAP)

Sikrar deg inntekt i periodar der du har behov for hjelp frå Nav grunna sjukdom eller skade.

Kvalifiseringsprogrammet

Eit heiltidsprogram for deg mellom 18 og 67 år som treng ekstra oppfølging for å klare å komme i jobb. Du får kvalifiseringsstønad når du deltek i programmet.

Supplerende stønad for personer over 67 år med kort botid i Norge

Sikrer deg en minste samlet inntekt hvis du får ingen eller redusert pensjon fordi du har bodd for kort tid i Norge.

Supplerende stønad for uføre flyktninger under 67 år

Sikrer deg en samlet inntekt som tilsvarer minste ytelse for uføretrygd hvis du er ufør og har flyktningstatus.

Treng du råd og rettleiing?

Du har rett til å få rettleiing frå Nav for å førebyggje eller løyse utfordringar du har. Det kan til dømes vere utfordringar knytt til økonomi, arbeid, busituasjon, heimeforhold, omsorg for barn eller andre ting. Du kan ringe oss eller ta kontakt med ditt Nav-kontor.

Du kan lese meir om tenesta her:

Opplysning, råd og rettleiing

Har du økonomiske problem?

Vi kan gi råd og rettleiing om økonomien din. Målet er at du skal bli i stand til å styre økonomien din på eiga hand.

Treng rådgiving om økonomi og gjeld

Treng du hjelp med å skaffe permanent bustad?

Vi kan stille med råd og rettleiing for å hjelpe deg å finne ein permanent bustad.

Klarer du ikkje å finne ein passande bustad på grunn av økonomiske, sosiale, helsemessige eller andre årsaker? Nav-kontoret kan hjelpe deg med å skaffe ein permanent bustad.

Vi kan mellom anna hjelpe deg med å

finne ledige leilegheiter
avtale visning og eventuelt gå på visning
skrive søknad om kommunal bustad
bidra til å sikre ein tilfredsstillande busituasjon
etablere kontakt med kommunale helse- og omsorgstenester
skaffe ein permanent bustad på andre måtar

Vi kan også gi deg råd om økonomi og gjeld, informasjon om økonomisk sosialhjelp og aktuelle låne- og støtteordningar. Ta kontakt med Nav-kontoret ditt.

Når du skal skaffe deg bustad, bør du tenkje over kva type bustad som passar for deg, eventuelle barn og dei du bur saman med.

Dersom du ønskjer å leige ei leilegheit på den private leigemarknaden, finn du dei fleste leigeobjekta på nett eller i aviser. På finn.no finner du mange utleigebustader.

Du finn informasjon om lover og reglar for leige av bustad og leigekontraktar under leige av bustad og leigekontraktar på dep.husleie.no.

Budsjett

Dersom du skal leige, kan det vere lurt at du set opp eit månadsbudsjett som gir deg oversikt over inntektene og utgiftene dine. Då ser du kor mykje du er i stand til å betale i husleige.

Ikkje skriv under på ein leigekontrakt før du veit at du klarer å oppfylle pliktene i leigekontrakten. Dersom du treng økonomisk hjelp med husleige eller depositum frå Nav, må du avklare dette med Nav-kontoret ditt før du skriv under.

Depositum (depositumsgaranti)

Dei fleste utleigarar ønskjer depositum som sikring dersom noko skulle bli øydelagt i leilegheita, eller dersom husleiga ikkje blir betalt. Eit depositum svarer vanlegvis til 3 månaders husleige.

Du kan søkje om støtte til depositum når du inngår ein leigekontrakt og ikkje har moglegheit til å skaffe pengar til depositumet på andre måtar. Du bruker søknadsskjemaet for økonomisk sosialhjelp for å søkje om støtte til depositum.

Partane i eit leigeforhold er utleigaren og deg. Nav er altså ikkje ein part i leigeforholdet, sjølv om Nav har gitt hjelp til depositum.

Nav-kontoret kan hjelpe deg med å søkje om kommunal bustad.

Kven kan få?

Det varierer frå kommune til kommune kva krav søkjarane må oppfylle. Du finn informasjonen på nettsidene til kommunen din. Dersom du oppfyller krava og blir prioritert, får du tilbod om å leige ein kommunal bustad.

Korleis søkjer du?

Søk så snart som råd. Det kan ta tid å få tildelt bustad og få flytte inn i denne.

Du må søkje skriftleg. Søknadsskjemaet finn du på nettsidene til kommunen din.