Mellombels butilbod (nødssituasjon)

Dersom du ikkje har ein stad å sove og opphalde deg det neste døgnet, kan du få eit mellombels butilbod.

Nødssituasjonar kan vere ved brann, familie- eller samlivsbrot, eller dersom du er blitt kasta ut frå staden der du budde.

Pensjonat eller hospits kan vere aktuelle mellombelse butilbod.

Butilbodet skal vere forsvarleg. Kravet til forsvarleg butilbod er strengare for barnefamiliar og ungdom.

Dersom du ikkje har pengar til å betale for eit butilbod sjølv, kan du søkje om økonomisk sosialhjelp.

Eit mellombels butilbod skal hjelpe deg i ein akutt situasjon, og bør ikkje vare meir enn 3 månader.

Vi kan gi råd og rettleiing, slik at du finn deg ein varig bustad. Dersom du ikkje klarer å finne ein bustad sjølv, kan vi hjelpe deg. For eksempel med å kontakte utleigarar eller bli med deg på visning.

Dersom du treng  eit mellombels butilbod, kan du kontakte det lokale NAV-kontoret ditt.