Du kan ha rett til bidragsforskot når den andre forelderen skal betale barnebidrag, og Skatteetaten krev inn bidraget.

I tillegg gjeld dette for å ha rett til bidragsforskot:

• Barnet bur fast hos deg, og du har den faktiske omsorga.
• Barnet bur ikkje saman med begge foreldra. Det betyr at du er einsleg forsørgjar, eller bur saman med ein annan enn mora eller faren til barnet.
• Barn med delt fast bustad kan også ha rett til bidragsforskot, dersom
  • Skatteetaten kan krevje inn heile eller delar av barnebidraget frå den andre forelderen, eller
  • ein av foreldra ikkje har økonomisk evne til å betale bidrag.

Du kan også ha rett til bidragsforskot dersom

• farskapen til barnet ikkje er fastsett
• barnet er adoptert av ei einsleg mor eller far
• ein av foreldra er død, og barnet ikkje har rett til barnepensjon eller ei tilsvarande ordning frå utlandet

Du har ikkje rett til bidragsforskot dersom

• du som mottar bidraget har ei samla årsinntekt over 663 300 kroner
• barnet har fylt 18 år. Barn over 18 år kan ha rett til barnebidrag under skulegang, men ikkje bidragsforskot
• barnet bur i fosterheim eller ein barnevernsinstitusjon, eller det offentlege forsørgjer barnet fullt ut på annan måte
• barnet bur i utlandet. Barnet blir rekna som busett i Noreg dersom han eller ho har vore, eller skal opphalde seg, i Noreg i meir enn 12 månader. Du kan på visse vilkår behalde bidragsforskotet dersom opphaldet i utlandet varer i inntil 6 månader.

Korleis du får innkrevjing, kjem an på kva slags avtale om barnebidrag du har:

• Dersom Nav har fastsett barnebidraget, men Skatteetaten ikkje krev det inn, kan du be om innkrevjing ved å sende oss ei melding.
• Har du ein skriftleg privat avtale om barnebidrag, eller eit bidrag som er fastsett av ein domstol eller ved rettsforlik, bruker du knappen «Send privat avtale til Nav» nedanfor.

Når du får spørsmål om kva dokument du skal ettersende, vel du «Annan dokumentasjon».

Når du som bidragsmottakar bur i Noreg, kan du få bidragsforskot frå Nav så lenge du fyller vilkåra. Det har ingen betydning kvar den bidragspliktige bur.

Dersom du søkjer om bidragsforskot og samtidig får bidragsforskot eller ei tilsvarande ordning frå utlandet, må du melde frå til Nav.

Bidragsmottakaren bur i utlandet

Som hovudregel har du ikkje rett til bidragsforskot frå Noreg når du er busett i utlandet.

Nav kan gjere unntak dersom du er medlem i folketrygda, og anten

• utanlandsopphaldet ikkje skal vare meir enn 6 månader
• eller du arbeider for ein norsk arbeidsgivar

Dersom landet du bur i har ei tilsvarande ordning, kan du undersøkje kva rettar du har der.

Bidragsforskotet er behovsprøvd, det vil seie at forskotet blir fastsett ut frå kor høg inntekt du har, kor mange eigne barn du bur saman med, og om du bur åleine eller er sambuar.

Desse inntektene har betydning for bidragsforskotet:

• personinntekta di (bruttoinntekta)
• positive netto kapitalinntekter som overstig 10 000 kroner per år, blir rekna med
• kontantstøtte du får for det aktuelle barnet, blir rekna med
• barnetillegg du får for det aktuelle barnet, blir rekna med
• utvida barnetrygd og småbarnstillegg blir rekna med, uansett kva barn du får stønad for
• omsorgsstønad blir rekna som personinntekt

Bidragsforskot har tre ulike satsar:

• forhøya forskot
• ordinært forskot
• redusert forskot

Inntektsgrenser og satsar gjeld frå 1. juli 2025:

Inntektsgrense: Ei årsinntekt på 375 900 kroner eller lågare gir rett til høgare forskot.

Dersom du har rett på høgare forskot, vil forskotet auke automatisk med ein tredel av ordinær forskotssats når barnet fyller 11 år.

Dersom barnet bur saman med ein annan enn foreldra, og denne personen også er verje/hjelpeverje, har barnet rett til høgare forskot. Bidragsforskotet blir i slike tilfelle ikkje behovsprøvd. 

Satsar for høgare forskot:

Inntektsgrenser og satsar gjeld frå 1. juli 2025.

Inntektsgrense for ordinært bidragsforskot når du er gift eller sambuar:

Inntektsgrense for ordinært bidragsforskot når du bur åleine med barn:

Satsar for ordinært bidragsforskot:

Inntektsgrenser og satsar gjeld frå 1. juli 2025.

Inntektsgrense for redusert bidragsforskot når du er gift eller sambuar:

Inntektsgrense for redusert bidragsforskot når du bur åleine med barn:

Satsar for redusert bidragsforskot:

Du kan få bidragsforskot så lenge du har rett til det, og til og med månaden barnet fyller 18 år.

Kan du få bidragsforskot tilbake i tid?

Ja, du kan få bidragsforskot for opptil tre månader før Nav tok imot søknaden din.
Det gjeld dersom du oppfylte vilkåra i denne perioden.

Du kan søkje digitalt eller på papir.

For at vi skal kunne behandle søknaden din så raskt som mogleg, må du fylle ut alle relevante opplysningar og legge ved nødvendig dokumentasjon. Du får beskjed undervegs i søknaden dersom du må dokumentere nokre av opplysningane dine.

Om du søkjer om bidragsforskot utan å ha ein avtale om barnebidrag, opprettar Nav ei sak for å fastsetje bidraget.

Du får skriftleg vedtak når søknaden er behandla.

Alle partar i ei bidragssak kan klage på vedtaket frå Nav. Om eit barn er part, må barnet ha fylt 18 år for å kunne klage.

Klagefristen for bidragsforskot er 6 veker.

Vedtak om bidragsforskot er gjort ut frå dei opplysningane som finst på vedtakstidspunktet. Om opplysningane ikkje stemmer, kan du klage på vedtaket. Skjer det ei endring i opplysningane etter at vedtaket er fatta, kan du søkje om å få endra vedtaket.

Saksgang i klagen

Når du klagar, vil den Nav‑eininga som har gjort vedtaket vurdere saka di på nytt. Nav kan gjere om vedtaket om det er grunn til det. Om vedtaket ikkje blir endra, blir klagen sendt vidare til Nav klageinstans. Klageinstansen gjer sitt vedtak i saka, og dette vedtaket er endeleg. Det er altså ikkje fleire klagemoglegheiter.

Om du har fått innvilga bidragsforskot, blir pengane utbetalte i starten av den påfølgjande månaden.

Det er Skatteetaten som utbetaler bidragsforskot. Du må derfor kontakte dei på telefon 21 05 11 00 om du har spørsmål om utbetalingane dine.

Nav kontaktsenter kan ikkje svare på spørsmål om utbetalingar frå Skatteetaten.

Sjekk utbetalingane dine

Du kan finne opplysningar om utbetalingar frå Skatteetaten i nettbanken din. For å sjå detaljerte opplysningar om utbetalinga, må du logge på nettbanken frå ein PC. I bankappar på mobilen kan det vere at du ikkje får sjå detaljane.

Hugs at du kan aktivere varsel i nettbanken din for når bidraget er på konto.

Feriepenger

Det er ikkje feriepengar på denne stønaden. 

Skatt

Det blir ikkje trekt skatt.

Du som mottar bidragsforskot, har plikt til å melde frå til Nav om endringar som kan ha betydning for retten til forskot. Om du har fått forskot utan at du har hatt rett på det, vil Nav vurdere om du må betale tilbake.

Du må melde frå til oss om endringar dersom

• du tek opp att forholdet til den andre forelderen
• du får sambuar eller giftar deg
• du får endringar i lønn, eller andre utbetalingar frå Nav
• du ikkje lenger har den daglege omsorga for barnet, for eksempel fordi barnet flyttar til den andre forelderen eller til fosterheim eller institusjon
• barnet flyttar til utlandet eller har eit opphald i utlandet