Vogner
HJELPEMIDDEL
|Oppdatert 13. november 2023
Kort om vogner
Vogner er for deg som ikkje kan bruke rullestol. Det finst vogner med tre eller fire hjul, i storleikar for barn, ungdom og vaksne.
Vogner kan vere aktuelt for deg som
Innhold
Kort om vogner
Vogner er for deg som ikkje kan bruke rullestol. Det finst vogner med tre eller fire hjul, i storleikar for barn, ungdom og vaksne.
Vogner kan vere aktuelt for deg som
Kven kan få?
Både vaksne og barn kan låne vogn av NAV Hjelpemiddelsentral.
Du kan få vogn frå NAV Hjelpemiddelsentral dersom du har nedsett gangfunksjon og ikkje kan bruke rullestol eller vogn i vanleg handel. Det kan for eksempel vere fordi du har behov for meir beskyttelse, tilpassa sete eller er for stor for vogn i vanlig handel.
Det kan også vere aktuelt om du har behov for å kome deg fram på stader der rullestol ikkje er brukeleg.
Barn med forseinka utvikling som har behov for vogn utover normal alder for vogn (3-4 år), kan også ha god nytte av vogn frå NAV.
Generelle vilkår:
- Du må ha behov for hjelpemiddelet på grunn av vanskar med bevegelse.
- Funksjonsvansken må vere varig. Med varig meiner vi at vanskane varar i meir enn to år.
- Hjelpemiddelet skal kompensere for funksjonstapet, og bidra til at du blir meir sjølvstendig i kvardagen.
- Du må være medlem i folketrygda.
Kva kan du få?
Vogner du kan få til utlån av NAV Hjelpemiddelsentral, skil seg frå vogner i den vanlege marknaden ved at dei kan ha spesielle funksjonar og finst i større storleiker.
Ei vogn skal alltid styrast av andre.
Vognene kjem med tre eller fire hjul, og er til ulike bruksområde. Enkle, avanserte og utandørsvogner som toler ulendt terreng.
Det finnast vogner med ulike innstillingar for sete- og madrassfunksjon, og med ulike kvileposisjonar. Vanleg tilbehøyr til vogner er mellom anna nakkestøtte, sidestøtte, ulike selar, regntrekk og vognpose.
Til små barn som kan bruke eiga vogn, men som har behov for ekstra støtte eller stabilitet, kan NAV låne ut ein seteinnsats. Denne kan du bruke i ei vanleg barnevogn som du kjøper sjølv.
Når barnet framleis treng vogn, men veks ut av barnevognene på den vanlege marknaden, vert det meir aktuelt å låne vogn frå NAV Hjelpemiddelsentral. NAV tilbyr vogner med opp til 75 kilo brukarvekt. Nokon av vognene kan du få med hjelpemotor, fordi dei kan bli tunge å skyve når vekta aukar. For større barn, ungdom og vaksne, vil difor elektrisk rullestol ofte vere meir hensiktsmessig og skal vurderast først.
I hjelpemiddeldatabasen kan du lese meir om dei vognene det er vanlegast å få på utlån frå NAV Hjelpemiddelsentral (sjå post 8 til 13 i rammeavtalen).
Søknad og dokumentasjon
Ta kontakt med den kommunale helsetenesten, for eksempel ein fysio- eller ergoterapeut.
Kommunen du bur i har ansvar for å hjelpe deg med hjelpemiddel og tilrettelegging i heimen, på fritida, i skulen og barnehagen. Har du ein kontaktperson i kommunen, bør du først kontakte denne personen.
Som oftast er det også best at kommunal hjelpemiddelformidlar skriv og grunngjev søknaden på dine vegner. Då vil vedkommande ha ansvar for å bidra med opplæring og oppfølging.
Du må skrive under på søknaden eller på eit fullmaktsskjema.
Sjølv om det kan vere ventetid i kommunen, vil det ofte løne seg å vente framfor å søke sjølv. Dette er fordi ei god utgreiing med ein godt grunngjeven søknad aukar sjansen for at NAV Hjelpemiddelsentral får den informasjonen som trengs. Kommunale formidlarar
- er godt kjende med ulike alternativ
- kan kartlegge kva som passar best for deg
- veit kva som trengs av dokumentasjon.
Ein søknad med rett dokumentasjon, utgreiing og grunngjeving vil føre til at NAV Hjelpemiddelsentral kan handsame søknaden din raskt.
Fullmakt til å søke om hjelpemiddel
Bruk dette skjemaet når du gjev ein fagperson (for eksempel kommunal hjelpemiddelformidlar eller ergoterapeut) fullmakt til å fylle ut og sende inn søknaden på dine vegner. Da vil signaturen din på dette skjemaet erstatte signaturen på sjølve søknadsskjemaet.
Ver merksam på at ein hjelpemiddelsøknad ofte krev god kjennskap til regelverket. Det finnast mange ulike hjelpemiddel med forskjellige funksjonar og bruksområde, og det er ikkje alltid enkelt å vite nøyaktig kva hjelpemiddel du kan ha bruk for og krav på.
Du har krav på å få søknaden din behandla viss du likevel ønsker å søke sjølv. Da er det ein del ting du må passe på.
Når du skal finne hjelpemiddel:
Sjekk at det du treng ikkje er i vanleg handel. NAV dekkjer ikkje vanlege produkt du får kjøpt i butikk.
Sjå etter produkt som er på avtale med NAV. Det kallast rammeavtale i Hjelpemiddeldatabasen.
Produkt rangert som nummer 1 må vurderast først. For å få lågare rangerte produkt, må du grunngje dette spesielt i søknaden.
Du kan få andre hjelpemiddel, viss produkt som er på avtale med NAV ikkje dekkjer behovet ditt. Dette må du grunngje spesielt i søknaden.
Søknaden må innehalde ei god forklaring på behovet ditt, og grunngjeving av kvifor du treng dette hjelpemiddelet.
Det må kome fram at ein person har påtatt seg eit opplærings- og oppfølgingsansvar for hjelpemiddelet overfor deg som skal bruke det. Som oftast er dette ein kommunal terapeut, men viss du søker utan hjelp fra kommunen har du høve til å føre opp deg sjølv. NAV Hjelpemiddelsentral vil vurdere i kvart enkelt tilfelle om det er tilstrekkeleg.
Treng du hjelp til å vurdere eller prøve ut hjelpemiddel, må du ta kontakt med kommunen.
- Forklaring frå fagperson (for eksempel kommunal hjelpemiddelformidlar) på kvifor du har behov for vogna
- Før opp kroppsmål: høgde, setebreidde (i sittande posisjon), sittedjubde og vekt
- Dersom du søkjer om tilbehøyr til vogna, er det viktig at behovet kjem godt fram i søknaden. Du må kunne vise at tilbehøyret er nødvendig for at du skal kunne bruke vogna.
Etter at du har søkt
Du får skriftleg vedtak når NAV Hjelpemiddelsentral har handsama søknaden din.
Saksbehandlingstid for søknader
Saksbehandlingstida er tida frå vi får søknaden din og til vi har fatta eit vedtak.
I spesielt krevjande saker, eller saker der vi ikkje har fått fullstendige og korrekte opplysningar, kan saksbehandlingstida bli lengre enn det vi først oppgav.
Leveringstid for hjelpemiddelet kjem i tillegg til saksbehandlingstida.
Saka gjeld | Forventa saksbehandlingstid |
---|---|
Søknad om hjelpemiddel til daglegliv | 17 dagar |
Søknad om hjelpemiddel til arbeidsliv | 21 dagar |
Utlevering av hjelpemiddelet
Det vil variere kor lang tid det tek å få utlevert hjelpemiddelet. NAV Hjelpemiddelsentral leverer hjelpemidla til eit kommunalt lager, og kommunen tek kontakt når dei skal levere det vidare til deg.
Dersom det er behov for tilpassing og opplæring i bruk og vedlikehald av hjelpemiddelet, vil du få det ved utlevering.
Dersom det hastar å få hjelpemiddelet, kan du avtale med NAV Hjelpemiddelsentral at du hentar det sjølv.
Viss du ikkje har reservert deg mot digitale meldingar frå staten, vil du få beskjed på SMS eller e-post når NAV Hjelpemiddelsentral sender hjelpemiddelet til kommunen. Du vil også kunne følgje status på saka di viss du loggar inn på nav.no med ID-porten.
Bytte og levere tilbake hjelpemiddel
Du kan berre bytte til eit tilsvarande hjelpemiddel. Viss hjelpemiddelet ditt er utslitt eller noko er øydelagt, må du sjølv kontakte kommunal serviceteknikar for å få ei vurdering før du kan be om bytte.
Treng du eit anna hjelpemiddel, må du søke på nytt. Er du i tvil om du skal bytte eller søke, kan du eller hjelpemiddelkontakten din i kommunen ta kontakt med hjelpemiddelsentralen der du bur.
Dersom du ikkje treng hjelpemiddelet lenger, skal du levere det tilbake. Ta kontakt med kommunen du bur i eller NAV Hjelpemiddelsentral.
Reparasjon, service og vedlikehold
Du har sjølv ansvaret for normal reingjering og vedlikehald av hjelpemidla dine. Les brukarrettleiinga som følgjer med produktet.
I somme tilfelle kan det vere opplærings- og oppfølgingsansvarleg som har dette ansvaret.
Viss hjelpemiddelet går i stykker, tek du kontakt med teknikar i kommunen du bur i. Reparasjon må utførast av fagfolk.
Om du ikkje får kontakt med kommunen og har akutt behov for reparasjon av hjelpemiddel, har NAV Hjelpemiddelsentral ein vakttelefon du kan ringe mellom klokka 08.00 og 24. 00.
Har du fått hjelpemiddel til arbeidsplassen eller utdanningsstaden, må du ta kontakt med dei som har levert utstyret ved behov for reparasjonar.
Hjelpemiddel på reise
I utgangspunktet kan du ta med hjelpemidla dine på ferie og kortare opphald i EØS-land. Du bør likevel ta kontakt med NAV Hjelpemiddelsentral før du reiser til utlandet, i tilfelle noko skulle skje med hjelpemiddelet i løpet av reisa.
Viss du reiser med fly og hjelpemiddelet blir skada på flyturen, må du sørge for å få ei kvittering på skaden frå flyselskapet. Ta kontakt med NAV Hjelpemiddelsentral.
Skal du på lengre opphald i utlandet, eller til eit land utanfor EØS-området, kan du lese meir om å ta med hjelpemiddel på reise på denne sida.
Batteri på fly
Dersom du skal reise med fly og hjelpemiddelet ditt brukar batteri, må du undersøke regelverk for flytransport. Ta kontakt med flyselskapet på førehand.
Dette gjeld særleg dersom hjelpemiddelet brukar lithiumbatteri. Det er strenge internasjonale reglar for kor store lithiumbatteri ein kan ha med på fly, korleis dei skal pakkast og kva slags bagasje dei skal sendast som. I tillegg kan kvart enkelt flyselskap ha eigne reglar. Til sjuande og sist er det piloten som avgjer kva som får bli med på flyet og ikkje.
Forsikring og tjuveri
Meld frå til kommunen viss hjelpemiddelet blir stole. Kommunen vil vurdere om du må politianmelde tjuveriet.
Du kan som regel få nytt hjelpemiddel om det vert stole eller skada.
Du treng ikkje forsikre hjelpemiddel du har fått låne av NAV Hjelpemiddelsentral, sidan NAV sjølv dekkjer tap og skade som oppstår.
Refusjon av reiseutgifter
Du kan søke om å få dekka reiseutgifter viss du har reist på grunn av
- utprøving av hjelpemiddel
- reparasjon av spesialutstyr
- periodisk kontroll av spesialutstyr
For refusjon av reiser til sjukehus og andre tenester som helseføretaka administrerar, søker du refusjon hjå pasientreiser.no.
Klagerettar
Får du avslag på søknaden din, kan du klage til NAV Hjelpemiddelsentral. Du må ha sendt ein søknad som er blitt handsama for å kunne klage. Du kan ikkje klage på munnleg avslag.
Klage på vedtak
I vedtaket står det korleis du skal gå fram viss du skal klage, kven du skal klage til og klagefrist.
Anke vedtak
Viss du har fått eit vedtak frå NAV Klageinstans som du meiner er feil, kan du med nokon unnatak anke. I vedtaket kan du lese om fristen for å anke.
Du kan også bruke advokat eller gje fullmakt til ein person som klagar på dine vegner.
Meir om
Saksbehandlingstid for klage og anke
Har du fått eit vedtak frå oss som du meiner er feil? Då kan du klage til NAV-eininga som skreiv vedtaket. Saka di blir i dette tilfellet vurdert på nytt. Dersom eininga ikkje er samd i klaga, blir ho sendt vidare til NAV Klageinstans.
Saka gjeld | Forventa saksbehandlingstid |
---|---|
Klage til NAV-eining | 17 veker |
Klage til NAV Klageinstans | 18 veker |
Anke til NAV Klageinstans | 18 veker |
Finn du ikkje svaret her? Ta kontakt med oss
Skriv til oss
Send beskjed eller nye opplysningar i saka di. Du kan òg sende spørsmål.
Svartida er 4 arbeidsdagar. Vil du ha raskare svar, kan du bruke chat.