Du har rett til å registrere deg som arbeidssøkjar dersom du har lovleg opphald i Noreg. Når du er registrert, har du krav på at Nav vurderer behovet ditt for rettleiing med mål om å kome tilbake i arbeid.

Du kan søkje om dagpengar eller andre ytingar når du har registrert deg som arbeidssøkjar.

For at vi skal kunne vurdere kva slags tenester du treng, må vi ha opplysningar om

• alderen din
• du har vore i jobb
• utdanninga di
• eventuelle utfordringar

Du må ha elektronisk ID for å registrere deg. Du kan logge inn med BankID, Buypass eller Commfides.

Slik behandlar Nav personopplysninger

Vi vurderer opplysningane du har gitt oss, opp mot opplysningane vi har om andre arbeidssøkjarar som er i mykje den same situasjonen som deg. På bakgrunn av dette blir det utarbeidd eit automatisk forslag til tenester vi trur kan passe for deg. Ein rettleiar vurderer forslaget og sender deg eit vedtak.

Dersom det skjer endringar som gjer at opplysningane du har gitt oss, ikkje lenger stemmer, kan du ta kontakt med oss på nav.no. Vi gjer då ei ny vurdering av behovet ditt for tenester.

Dersom du er usamd i oppfølginga som vi foreslår, kan du logge på og gi tilbakemelding om dette.

Ønskjer du å vere registrert som arbeidssøkjar hos Nav må du sende ei stadfesting på dette kvar 14. dag. Sjå korleis du leverer stadfestinga her.