Alle som er registrerte som arbeidssøkjarar hos Nav, må gi ei stadfesting kvar 14. dag på at dei framleis ønskjer å vere registrerte. Sjølv om du ikkje får noko form for pengestøtte, må du likevel stadfeste at du ønskjer å vere registrert.

Dersom du får pengestøtte frå Nav medan du er arbeidssøkjar, må du i tillegg levere meldekort. Du finn her meir informasjon om korleis meldekortet for dei ulike typane pengestøtte fungerer:

• Dagpengar – fyll ut meldekort
• Arbeidsavklaringspengar – fyll ut meldekort
• Tiltakspengar – fyll ut meldekort

Dersom du er usikker på korleis eller kvifor du skal fylle ut meldekort i din situasjon, anbefaler vi deg å kontakte oss for å få hjelp.

Stadfestinga på at du ønskjer å vere registrert som arbeidssøkjar, sendast inn digitalt.

Vent med å lukke nettlesaren til du har fått kvittering på at stadfestinga er motteken.

• Har du vore i jobb dei siste 14 dagane?
• Ønskjer du å vere registrert som arbeidssøkjar dei neste 14 dagane?

Dersom du svarer nei på om du ønskjer å vere registrert, vil du ikkje lenger stå registrert som arbeidssøkjar. Dersom du har søkt om eller får pengestøtte som krev at du er registrert som arbeidssøkjar, vil pengestøtta stoppe.

Viss du har svart at du ikkje lenger ønskjer å vere registrert som arbeidssøkjar, og er usikker på kva konsekvensar det vil få for deg, kan du kontakte oss for å få hjelp. Du kan registrere deg som arbeidssøkjar på nytt dersom du ønskjer å vere registrert som arbeidssøkjar att.

Frist for å stadfeste at du ønskjer å vere arbeidssøkjar

Du må stadfeste kvar 14. dag at du ønskjer å vere arbeidssøkjar.

Logg inn på Mi side for å sjå

• når du må stadfeste at du ønskjer å vere arbeidssøkjar
• kva periode stadfestinga gjeld for

Vi anbefaler at du stadfestar at du ønskjer å vere arbeidssøkjar med ein gong du får ei oppgåve på Mi side om å levere stadfesting.

Kva skjer dersom du ikkje stadfestar at du ønskjer å vere arbeidssøkjar?

Du vil ikkje lenger stå registrert som arbeidssøkjar dersom du

• ikkje sender inn stadfesting
• svarer «nei» på spørsmålet om du framleis skal vere registrert som arbeidssøkjar

Kva gjer du dersom du ikkje lenger er registrert som arbeidssøkjar, men ønskjer å vere registrert?

Du kan når som helst registrere deg på nytt dersom du ikkje er registrert som arbeidssøkjar, men ønskjer å vere det.