Vestland fylke ligg framleis godt under gjennomsnittet for landet, som var 2,1 prosent heilt arbeidsledige i november. 

I november blei det utlyst 4 376 ledige stillingar i Vestland, ein auke på 17 prosent samanlikna med i fjor. Vestland ligg heilt i landstoppen når det gjeld auken i ledige stillingar. 

– Vestland skil seg positivt ut 

Godt over halvparten av stillingane er i Bergen. Helse- og omsorgssektoren toppar lista også denne månaden med 948 utlyste stillingar. Bygg og anlegg har også mange ledige jobbar, med 488 utlyste stillingar, tett følgt av reiseliv og transport med 468 ledige stillingar i november. 

– Landet totalt har ein auke på åtte prosent i utlyste stillingar. Det syner at arbeidsmarknaden i Vestland skil seg positivt ut når det gjeld moglegheiter, seier fylkesdirektør Bjarte Hysing-Olsen i Nav Vestland. 

– Samstundes veit vi jo at det ikkje er heilt samsvar mellom kompetansen som arbeidssøkarane har, og den kompetansen som blir etterspurt. Eg vil oppmode arbeidsgivarar til å bidra til at arbeidssøkarane kan få den kompetansen som trengs på arbeidsplassen, om mogeleg, legg Hysing-Olsen til. 

Seks kommunar har under 1 prosent ledige 

Arbeidsløysa var høgast i Modalen med 4,0 prosent, Ulvik har 3,5 prosent heilt ledige, medan Eidfjord og Gloppen begge har 3,2 prosent ledige. Lågast ledigheit i fylket hadde Stord med 0,6 prosent og Gulen med 0,7 prosent ledige. Seks kommunar i Vestland har under 1 prosent heilt ledige. 

Under relatert innhald til høgre finn du fleire tal frå arbeidsmarknaden i Vestland.

Grunna ein teknisk feil i arbeidssøkarregisteret er dei ujusterte tala for november ikkje samanliknbare med tidlegare måneder. For meir informasjon sjå hovedtall om arbeidsmarkedet.

For kommentar til meldinga, kontakt 

Bjarte Hysing-Olsen, fylkesdirektør i Nav Vestland, 48 24 73 18  

Birgitte B. Lygre, senior kommunikasjonsrådgjevar, 90 50 70 96