Slik gjer du det

Erklære farskap

Om å erklære farskap digitalt.

Erklære farskap digitalt

Før far kan erklære farskapet digitalt, må du som mor oppgje kven som er far i den digitale erklæringa. Du kan oppgje kven som er faren frå og med 22. svangerskapsveke. Du kan også vente til etter at barnet er født. Den digitale løysinga er open for dette fram til barnet er 6 månadar.

Det er altså du som mor som må begynne på erklæringa først, ved å oppgje kven som er far til barnet. Dersom far loggar seg inn før du har oppgitt han som faren, vil han ikkje få moglegheit til å erklære farskapet.

For å erklære farskapet digitalt, gjeld alle disse punkta:

Barnet må vere eller forventast født i Norge
Mor må vere ugift og busett i Norge
De må begge ha norsk fødsels- og personnummer
De må begge vere over 18 år
Svangerskapet har kome til veke 22 eller meir
Barnet er under 6 månadar gamalt

Slik gjer du det:

Mor oppgjer far:
- Mor loggar inn i løysinga for farskapserklæring
- Mor oppgjer termindatoen
- Mor oppgjer farens namn og fødselsnummer (11 siffer)
- Mor stadfestar at personen som er oppgitt er faren til barnet
Far erklærer farskap:
- Far får melding frå mor eller Nav med lenke til løysinga
- Far loggar inn og kontrollerer opplysningane
- Far stadfestar at han er kjent med rettsverknadane av å erklære farskap
- Far signerer erklæringa
Erklæringa vert oversendt Folkeregisteret for registrering og arkivering.

Mor oppgjer far
- Mor loggar inn i løysinga for farskapserklæring
- Mor vel barnet ho vil oppgje far til
- Mor oppgjer fars namn og fødselsnummer (11 siffer)
- Mor stadfestar at oppgitt person er barnets far
Far erklærer farskap
- Far får melding frå mor eller Nav med lenke til løysinga
- Far loggar inn og kontrollerer opplysningane
- Far stadfestar at han er kjent med rettsverknadane av å erklære farskap
- Far signerer erklæringa
Erklæringa vert oversendt Folkeregisteret for registrering og arkivering

Farskap kan erklærast digitalt ved at begge foreldre identifiserer seg elektronisk på ein sikker måte og signerer ei digital erklæring.

Erklær farskap

Rettar og plikter som forelder

Eit farskap gir rettar både til barnet og faren. Og, i tillegg nokre plikter for deg som far.

Foreldreansvar er den retten og plikta foreldre har til å bestemme over barnet i personlege forhold. Foreldra skal utøve foreldreansvaret ut frå barnets behov og interesser. Den eller dei som har foreldreansvar, er også verjer for barnet.

For barn som vert født etter 1. januar 2020 får mor og far felles foreldreansvar. Dette gjeld barn som har

gifte foreldre
sambuande foreldre
foreldre som ikkje bur saman

Dersom mor ønsker å ha foreldreansvaret åleine må ho melde frå til Folkeregisteret om det innan eitt år frå den dagen farskapet er fastsett. Om far er ueinig i dette, og ønsker foreldreansvar, må han sjølv ta saka til domstolen.

Dersom far ikkje ønsker å ha foreldreansvar må han melde frå til Folkeregisteret om det innan eitt år frå den dagen farskapet er fastsett.

Foreldre med foreldreansvar kan velje namn til barnet. Dei må sende melding om namnet til Folkeregisteret (skatteetaten.no).

Dersom foreldra ikkje gir melding om etternamn innan 6 månadar etter at barnet er født, får barnet automatisk etternamnet til mora.

Når farskapet er gyldig fastsett, har barnet arverett etter far.

Barn har rett til samvær med begge foreldra når dei ikkje bur saman. Foreldra har eit gjensidig ansvar for at samværsretten til barnet blir oppfylt.

Dersom foreldra ikkje blir einige, kan dei ta saka inn for retten.

Barn har rett til å bli forsørga av begge foreldra, også når foreldra ikkje bur saman. Retten gjeld til og med den månaden barnet fyller 18 år. Etter fylte 18 år kan barnet ha rett til å bli forsørga gjennom vidaregåande opplæring.

Forelderen som ikkje bur fast saman med barnet, skal vere med å forsørge barnet ved å betale barnebidrag.
Barnebidrag er i utgangspunktet ein privat sak, og det er opp til foreldra å bestemme beløp og anna innhald i avtalen. Dersom foreldra ikkje vert einige, kan det søkast om at Nav fastsett barnebidraget.
I tilfelle der foreldra ikkje bur saman når barnet blir født, og det ikkje er gjort avtale om barnebidrag, skal Nav fastsette bidraget av eige initiativ.

Barnebidrag

Innsyn og tausheitsplikt

Innsyn i felles sak

Mor og oppgitt far har innsyn i felles sak. Er du oppgitt som far har du rett til å vite namnet til mor og barn, samt barnets fødselsdato. Du har også rett til å vite om det er oppgitt fleire moglege fedrar, men ikkje kven som er oppgitt.

Barnet kan be om innsyn i sin eigen sak etter fylte 18 år.