På landsbasis utgjer dei heilt ledige 2,0 prosent av arbeidsstyrken. 

Samstundes som arbeidsløysa er låg, er det mange ledige jobbar i fylket. I Vestland er det registrert 4 095 ledige stillingar i oktober. Helse, pleie og omsorg hadde flest utlyste stillingar med 1 025, følgt av butikk- og salsarbeid med 403 ledige stillingar, og av serviceyrke med 371 stillingar. 

Julejobb-filter på arbeidsplassen.no 

Mange av stillingane er sesongjobbar. På arbeidsplassen.no er det no kome eit eige filter for dei som søkjer etter julejobbar. 

Fylkesdirektør Bjarte Hysing-Olsen i Nav Vestland oppmodar spesielt dei unge til å gripe sjansen til å få seg arbeidserfaring i jula. 

– For mange er ein sesongjobb starten på arbeidskarrieren. Gjer du ein god jobb, er det stor sjanse for at arbeidsplassen ønskjer å behalde deg, seier fylkesdirektør Bjarte Hysing-Olsen i Nav Vestland. 

Han legg til at mange julejobbar ikkje blir lyst ut. 

– Eg vil oppmode arbeidsgivarar til å lyse ut dei ledige stillingane på arbeidsplassen.no, seier Hysing-Olsen. 

Høgast arbeidsløyse i Aurland

For mange unge kan inngangen til arbeidslivet vere krevjande. 

– Ein fersk NIFU-rapport viser at mange nyutdanna synest det er vanskelegare enn forventa å få jobb etter fullført utdanning. Ein sesongjobb kan gi nyttig erfaring og nye mogelegheiter, seier Hysing-Olsen. 

Høgast arbeidsløyse i fylket finn vi i Aurland med 2,6 prosent heilt ledige. Deretter følgjer Eidfjord og Fedje med 2,5 prosent. Lågast er arbeidsløysa i Solund, Gulen og Hyllestad. 

Under relatert innhald til høgre finn du fleire tal om arbeidsmarknaden i Vestland.

 

For kommentar til meldinga, kontakt 

Bjarte Hysing-Olsen, fylkesdirektør i Nav Vestland, 48 24 73 18  

Birgitte B. Lygre, senior kommunikasjonsrådgjevar, 90 50 70 96