Les denne saken på bokmål

Har du nokon tankar om kva du som arbeidssøkar treng for å få napp på jobben du har søkt på? Kan du bli betre på å spisse jobbsøknaden og CV-en? For nokon er det berre litt relevant erfaring frå arbeidslivet som skal til for å lykkast med å få jobben. For fleire tips sjå våre «jobbsøkertips».

Fullfør vidaregåande opplæring - nytt tilbod til deg som er permitterte eller arbeidsledig

Du som er permittert eller arbeidsledig får no sjansen til å fullføra vidaregåande opplæring fram mot yrkes- eller studiekompetanse. Tilbodet er for deg som ikkje har fullført vidaregåande opplæring tidlegare. Det er Rogaland fylkeskommune som tilbyr og har ansvar for voksenopplæring.

• Les meir om tilbodet på nettsida til Rogaland fylkeskommune

 

Nedanfor har vi laga ei oversikt over aktuelle tiltak og kurs som kan vere aktuelt for deg som er arbeidssøkar hos Nav. Viss nokon av dei ser interessante ut, anbefaler vi at du tek kontakt med din rettleier på nav.no, gjennom aktivitetsplanen på Ditt Nav. Rettleier vil vurdere om du kan få eit slikt kurs eller tiltak.

Oversikt over utvalde tiltak/kurs for arbeidssøkarar i Rogaland:

• Jobbsøkarkurs

Målet med kurset er å få god kunnskap om jobbsøkarprosessen. Etter gjennomført kurs skal deltakarane meistre ulike verktøy og metodar som aukar moglegheitene for jobb. Individuell tilpassing og rettleiing skal vektleggast i alle tema og aktivitetar.

• Jobbsøkarkurs for unge i Stavanger eller Haugesund

Målet med kurset er å tileigne seg kunnskap om eigne moglegheiter på jobbmarknaden; bli bevisste på eigen kompetanse og styrkar; lære korleis aktivt søke jobb; kunne orientere seg på arbeidsmarknaden og bli aktive jobbsøkarar; ved behov få kunnskap om moglege utdannings/opplæringsløp.

Nav tilbyr òg bransjespesifikke kurs som mellom anna:

• Masseforflytningsmaskiner – gravemaskin, dumpere mm.

På kurset for du praktisk og teoretisk opplæring for å bestå maskinførarprøven. Den første veka lærer ein om det teoretiske knytte til masseforflytningsmaskiner med etterfølgjande teorieksamen. Dei resterande 3 vekene er det praksis i kvar av dei tre typane anleggsmaskinene:

M2 – Gravemaskin

M4 – Hjullaster

M6 - Dumper

• Truckførarkurs

På Truckførarkurset kan du få moglegheita til å ta sertifikata for T1, T2 og T4, som er dei mest vanlege truck sertifikata. Det er òg moglegheit for å ta T3 og T5.
 

Bli medlem av Facebook-gruppa Muligheter

Muligheter er ein felles møteplass og informasjonskanal for å synleggjera kva som finst av moglegheiter i Rogaland, både når det gjeld utdanning og nye arbeidsplassar. Hovudformålet er å fremma kompetansedeling og nye jobbmoglegheiter.

Muligheter er eit samarbeidsprosjekt mellom Stavanger Kommune, Rogaland fylkeskommune, LO Rogaland, Nav Rogaland, Næringsforeningen Haugalandet og Næringsforeningen i Stavanger-regionen