Briller som hjelpemiddel frå folketrygda
Det er ikkje mogleg å byte briller på grunnlag av tidlegare vedtak.
Det må alltid sendast søknad med grunngjeving når nokon treng briller som hjelpemiddel, og alle relevante opplysningar må leggjast ved. Alle vilkåra i folketrygdlova må vere oppfylte når det vert gitt stønad til eit hjelpemiddel. Det er ikkje mogeleg å berre vise til tidlegare innvilga briller.
Regelverk
Nøkkelsetningar frå gjeldande regelverk om briller som hjelpemiddel:
«En stor andel av befolkningen har behov for synskorrigering som følge av brytningsfeil (nærsynthet, langsynthet og skjeve hornhinner) eller normale aldersforandringer i øyet. Det anses derfor som vanlig i befolkningen å anskaffe briller og kontaktlinser for korrigering av denne typen synsfeil. Det ligger utenfor formålet med stønad som gis etter folketrygdloven å dekke slike utgifter. Det gis derfor ikke stønad til slike briller / kontaktlinser.
Det kan gis stønad til et medlem som har sykdom, skade eller lyte som påvirker synsevnen i en slik grad at det medfører vesentlig og varig nedsatt funksjonsevne, I slike tilfeller gis det stønad dersom vedkommende har behov for briller eller kontaktlinser som det ikke er vanlig i befolkningen å anskaffe.»
Du finn utfyllande regelverk på lovdata.no.
Søknad
Søknadsskjema for synshjelpemiddel ligg på nav.no.
Dette er viktig å hugse når du søkjer:
- Personen må sjølv signere på søknadsskjemaet, eventuelt den som personen har gitt fullmakt.
- Epikrise frå augelege skal ligge ved søknaden, som dokumentasjon på diagnose.
- I søknaden må det gå klart frem kva type briller søknaden gjeld (avstand, lesing eller liknande), og styrke på brillene.
- Søknad om filterbriller må innehalde utfyllande informasjon, sjå eiga side om filterbriller som hjelpemiddel.
- Pristilbod frå optikar må ligge ved søknaden.
Om pristilbod
Pristilbodet skal innehalde:
- informasjon om den rimeligaste og mest hensiktsmessige løysinga
- individuelle beløp for innfatning, glas og brilletilpassing
- glastype
- leverandør av glas
- overflatebehandling - det vert gitt stønad til glas med antirefleks og herding, men ikkje til behandlingar på brilleglasa som antidugg, farge, fargeskiftande glas og ekstra UV-beskyttelse
- indeks - val av glasindeks må samsvare med brillestyrken som er opplyst i søknaden, men individuelt tilpassa glasdesign vert i hovudsak ikkje dekka
- innfatning - sats for stønad til innfatning går fram av oversikt over satsar på nav.no