Honnørkort

Viss du får minst 50 prosent uføretrygd frå NAV, vil du automatisk få tilsendt honnørkort i samband med vedtaket om uføretrygd. Dette kjem i posten i tillegg til elektronisk vedtak på nav.no.

Viss du kan dokumentere at du får varig offentleg uføretrygd over 50 prosent frå eit annet EØS-land, kan du søkje NAV om å få honnørkort.

Søk om honnørkort

Viss du har norsk fødselsnummer eller D-nummer:

Skriv til oss

Du kan også ringje oss på telefon 55 55 33 33.

Er du ein ufør flyktning med supplerande stønad?

Viss du får supplerande stønad som ufør flyktning, vil NAV sende deg honnørkortet utan at du treng å be om det.

Personar over 67 år får rabatt ved å vise vanleg legitimasjonskort og treng difor ikkje honnørkort. Viss du pensjonerer deg før du er 67 år, vil du først ha rett til honnørrabatt når du blir 67 år.  

Viss honnørkortet manglar når du får vedtaket om uføretrygd frå NAV, eller du har mista eller øydelagt honnørkortet, kan du kontakte oss.

Skriv til oss

Du kan også ringje oss på telefon 55 55 33 33. 

Svaksynte og blinde kan få honnørkort. Ta kontakt med Norges Blindeforbund.

Døvblinde kan få eige kort som gir same rabatt som honnørkort. Ta kontakt med Nasjonal kompetansetjeneste for døvblinde.