Slik gjer du det — For ansatte i kommunen eller fylkeskommunen
Tilskot til utvikling av sosiale tenester i Nav-kontoret
Skal bidra til å utvikle og betre dei sosiale tenestene i Nav-kontoret.
Kven kan søkje om tilskot?
Det er berre Nav-kontor / kommunar som har motteke midlar i 2025 kan søkje om midlar for 2026. Det kan søkjast om midlar til vidareføring av pågåande prosjekt.
Frist for å søkje tilskot
Søknadsfristen er 1. februar 2026.
Kva er føremålet med tilskotsordninga?
Føremålet er å stimulere til utvikling av dei sosiale tenestene og tiltaka i kommunane etter sosialtenestelova.
Sosialtenestelova har som formål å betre levekåra for dei vanskelegstilte, og skal
- bidra til sosial og økonomisk tryggleik slik at den enkelte får høve til å leve og bu sjølvstendig, fremje overgang til arbeid, sosial inkludering og aktiv deltaking i samfunnet.
- bidra til at utsette barn og unge og familiane deira får eit heilskapleg og samordna tenestetilbod.
- bidra til likeverd, likestilling og førebyggje sosiale problem.
Gjennom nye arbeidsmetodar og samarbeidsformer, skal innbyggjarane i kommunen oppleve auka kvalitet i tenestene og ei betring av levekåra.
Det overordna målet med tilskotsordninga er å skape eit heilskapleg og samordna tenestetilbod tilpassa behovet til brukarane.
Det blir ikkje gitt tilskot til søknader som berre beskriv kapasitetsauke i tenesta.
Målgruppe for tiltaka
Målgruppa for ordninga er sosialt og økonomisk vanskelegstilte som har behov for sosiale tenester, og andre som står i fare for å kome i ein vanskeleg livssituasjon.
Kor stort er tilskotet?
Det blir gitt inntil 750 000 kroner per 100 prosent stilling.
Rapportering
Fristen for status- og rekneskapsrapportering er 1. februar 2027.
Tidsperiode for tilskot
Tilskot blir primært gitt for eitt år frå oppstartsdato, men det kan givast i inntil 36 månader til same tiltak.
Søknaden
Kontakt statsforvaltaren i fylket ditt viss du har spørsmål eller treng rettleiing. Utfylt søknad blir signert og sendt til statsforvaltaren.
E-postadresse | Telefonnummer |
37 01 75 00 | |
61 26 60 00 | |
71 25 84 00 | |
75 53 15 00 | |
69 24 70 00 | |
51 56 87 00 | |
78 95 03 00 | |
74 16 80 00 | |
33 37 10 00 | |
57 64 30 00 |
Tips til kontor som ønskjer å søkje
Arbeids- og velferdsdirektoratet tilbyr ei skreddarsydd søknadsstøtte som kan bidra til at Nav-kontor både utformar gode søknader og får eit solid grunnlag for utviklingsarbeidet - både ved oppstart og undervegs i tilskotsperioden.
Søknadsstøtta er tilgjengeleg både på tilskotssida på Navet og i Mural.
Oppdatert 07.01.2026