Rutine for samhandling i saker som gjeld personar med ALS

Rutine for samhandling i saker som gjeld personar med ALS

1. Den kommunale terapeuten blir anbefalt å ringe NAV Hjelpemiddelsentral Vestland, Bergen for å få internt brukarnummer til brukaren med ALS. Bruk berre dette nummeret i omtale av brukaren, i all elektronisk kommunikasjon med NAV Hjelpemiddelsentral.
2. Merk alltid e-post med ‘ALS’.
3. Tilvising: Det er viktig å kartlegge godt. Kommunen kan sende tilvising ved første kontakt med hjelpemiddelsentralen. Dette er særleg aktuelt når det gjeld kommunikasjonshjelpemiddel, elektrisk rullestol eller tilrettelegging av bustad. Tilvisinga kan vere litt open, men fyll ut aktuelle tilleggsskjema. Vi kan avtale felles heimebesøk hos brukaren, dersom det er behov for det.
4. Har brukaren behov for andre hjelpemiddel eller viss tilvising ikkje er nødvendig, skal det sendast søknad på vanleg måte. Merk søknaden med ‘ALS’.
5. Tilvising, søknad eller skjema for byte bør merkast med ‘ALS’ øvst på førstesida som følgjer dokumentet. Aktuelle målsette fargebilete av god kvalitet, kan sendast saman med søknaden/henvisningen. Rådgjevar på hjelpemiddelsentralen tek kontakt om det viser seg at det trengst fleire opplysingar.
6. Det er viktig at den eller dei som har ansvar for oppfølging i kommunen, står oppført på tilvisinga/søknaden.
7. Skriv søknaden litt open med tanke på framtidige endra behov. Dette må vere avklart med rådgjevar på NAV Hjelpemiddelsentral på det enkelte fagområde, før søknaden blir sendt.
8. Heilt nye hjelpemiddel krev ny søknad. I hastesaker bør det søkast om hjelpemiddel som er på rammeavtale, viss det er mogleg. Årsaka er at NAV Hjelpemiddelsentral ellers må søke om dispensasjon for innkjøp, og søknaden tek lenger tid å handsame.
9. Dersom brukaren sitt behov endrar seg i ei sak der det er etablert samarbeid med ein rådgjevar på hjelpemiddelsentralen, kan den som har ansvar for oppfølging i kommunen sende e-post om dette. E-posten kan sendast til rådgjevaren, men send alltid kopi til nav.hot.vestland.bergen.radgivning@nav.no, for å unngå at e-posten ikkje blir fanga opp ved fråvær eller liknande. 
10. NAV Hjelpemiddelsentral noterer ‘haster’ i bestillingar til leverandørar.
11. Den som har ansvar for oppfølging i kommunen kan få bestillingsnummer til firma. Dette må avtalast.
12. Leveringstid for dei ulike hjelpemidla går fram av rammeavtalene som ligg i Hjelpemiddeldatabasen.no.
13. Det er viktig at den som har ansvar for oppfølging i kommunen er til stades under opplæring, montering og tilpassing av hjelpemiddel. Tidspunkt må avtalast på førehand. Kommunen har ansvar for vidare opplæring og oppfølging.
14. Kommunen må varsle NAV Hjelpemiddelsentral Vestland, Bergen dersom det kjem ny oppfølgingsansvarleg i kommunen.
15. Ved behov for kontakt med hjelpemiddelsentralen når rådgjevaren som har ansvar for saka har ferie eller fråvær, send e-post til nav.hot.vestland.bergen.radgivning@nav.no. Tilsvarande vil NAV Hjelpemiddelsentral sende e-post til kommunen sitt hovudpostmottak, som ligg på heimesida til kommunen.

Ved reparasjonar

• Ved behov for enkle reparasjonar, ta kontakt med servicepersonell i kommunen.  
• Dersom det trengst meir hjelp, kan lokalt servicepersonell kontakte avdeling Teknikk på hjelpemiddelsentralen, på eige telefonnummer.
• Viss hjelpemiddelet skal sendast til hjelpemiddelsentralen, må både hjelpemiddelet og skjema merkast med ‘prioritert diagnose’.
• Ved dialog på e-post med avdeling Teknikk, må saka merkast med brukarnummer og ‘ALS’. Send e-posten til nav.hot.vestland.bergen.teknisk@nav.no.
• Kommunen må ta omsyn til lokal logistikk. Ved behov for ekstra køyring må kommunen sjølv sørge for transport. Viss det hastar samarbeider vi om å finne smidige løysingar.
• ALS-reparasjonar blir behandla som akuttoppdrag, med løysing innan 24 timar. Vi vurderer bestilling av firma når det er hensiktsmessig.
• Gi tilbakemelding til leiaren på avdeling Teknikk dersom noko ikkje fungerer.

Telefonnummer ved behov for teknisk hjelp:

• Telefon til teknisk ordrekontor: 40 64 97 80 (kl. 9-11 og kl. 12-14)
• Telefon til akuttvakta: 99 20 23 55 (kl 8-9, kl. 11-12 og kl. 14-24)

Det kan vere endringar i telefon- og opningstidene i feriar og høgtider og liknande.

Følg med på dei lokale sidene våre for oppdatert informasjon.