Tal frå NAV Vestland for november tyder på stabilitet i arbeidsmarknaden. Berre fem av kommunane i fylket har over 2 prosent ledige.
Ved utgangen av november var 5 564 personar i Vestland registrerte som heilt arbeidsledige. Dette er 488 fleire enn på same tid i fjor og utgjer 1,6 prosent av arbeidsstyrken. Vestland ligg dermed under landsgjennomsnittet på 1,8 prosent.
Auke i bygg og anlegg
Som i førre månad er det registrert ein merkbar auke i heilt ledige i bygg- og anleggsbransjen samanlikna med i fjor. Då var arbeidsløysa i bransjen rekordlåg.
– Våre tal viser ikkje alarmerande teikn i bygg og anlegg. Talet på ledige stillingar ligg rett nok lågare i år enn i fjor, men det er framleis ledige jobbar. Så langt har vi heller ikkje fått nokon uvanleg auke i varsel om permitteringar eller oppseiingar, seier direktør Anne Kverneland Bogsnes i NAV Vestland.
Sognekommunar med høgast arbeidsløyse
Berre fem kommunar I Vestland har meir enn 2 prosent arbeidsledige. Høgast andel ledige har Hyllestad med 5 prosent og Årdal med 4,7 prosent.
Helse- og omsorgssektoren toppar framleis lista over ledige stillingar, med særleg høg etterspurnad etter sjukepleiarar og jordmødrer. Deretter følgjer bygg og anlegg og reiseliv og transport.
Arbeidsmarknaden i Vestland, november
November 2023
November 2022
Heilt ledige, Vestland
5 564 personar
1,6 % av arbeidsstyrken
5 076 personar
1,5 % av arbeidsstyrken
Heilt ledige, Bergen
3 035 personar
1,9 % av arbeidsstyrken
2 708 personar
1,7 % av arbeidsstyrken
Langtidsledige, meir enn seks månader
2 121
2 218
Ledige under 30 år
1 597
1 452
Permitterte, heilt eller delvis
792
484
Ledige stillingar
3 789
5 332
For kommentar til meldinga, kontakt
Anne Kverneland Bogsnes, direktør i NAV Vestland, 90 52 10 59
