Publisert 19. juni 2023
Ordninga Funksjonsassistanse i arbeidslivet fekk tilført meir pengar i revidert nasjonalbudsjett. NAV vil derfor opne opp for nye brukarar som normalt.
Personar som ventar på svar på søknaden sin, treng ikkje gjere noko. NAV kan frå og med i dag halde fram med å behandle søknadar frå nye brukarar.
Funksjonsassistanse i arbeidslivet er eit rammestyrt tiltak, det vil seie at det er avgrensa av middel over statsbudsjettet kvart år. Tidlegare i år måtte vi stanse tildeling av funksjonsassistanse til nye brukara, men vi kan no opne opp att fordi vi har fått tilleggsløyving i revidert nasjonalbudsjett.
Om lag 400 personar har funksjonsassistanse gjennom NAV. Ordninga bidrar til at personar med sterkt nedsett syn eller fysisk funksjonshindring skal kunne stå i arbeid. Tiltaket dekker løn til ein assistent som gir arbeidstakaren nødvendig praktisk hjelp i arbeidssituasjonen. Du kan lese om funksjonsassistanse i arbeidslivet på nav.no.