9 500 færre arbeidssøkjarar i oktober
Ved utgangen av oktober er det registrert 121 200 heilt arbeidslause, delvis arbeidslause og arbeidssøkjarar på tiltak hjå NAV, noko som utgjer 4,3 prosent av arbeidsstyrken. Dette er 9 500 færre enn ved utgangen av september, justert for sesongvariasjonar.
– Betringa i arbeidsmarknaden heldt fram i oktober. Talet på arbeidssøkarar har gått ned i sju månader på rad, og det er no nesten 70 000 færre arbeidssøkarar enn det var i mars. Samtidig er det stor etterspurnad etter arbeidskraft, og mange utlyste stillingar, seier arbeids- og velferdsdirektør Hans Christian Holte.
63 300 personar var registrert som heilt arbeidslause ved utgangen av oktober, noko som utgjer 2,2 prosent av arbeidsstyrken. Bruttoarbeidsløysa, som er summen av heilt arbeidslause og arbeidssøkjarar på tiltak, var på 79 800 personar, eller 2,8 prosent av arbeidsstyrken. I tillegg var 41 400 personar registrert som delvis arbeidslause.
7 400 av dei heilt arbeidslause er permitterte, medan det same gjeld for 12 200 av dei delvis arbeidslause. Dei permitterte utgjer til saman 0,7 prosent av arbeidsstyrken.
Figur 1: Utvikling i talet på heilt arbeidslause, delvis arbeidslause, bruttoarbeidsløysa, og talet på arbeidssøkjarar i alt per månad. Sesong- og brotjusterte tal.
Kjelde: NAV
Figur 2: Utvikling i delen heilt arbeidslause, delvis arbeidslause, bruttoarbeidsløysa, og talet på arbeidssøkjarar i alt per månad. Prosent av arbeidsstyrken. Sesong- og brotjusterte tal.
Kjelde: NAV
I løpet av oktober registrerte 11 800 personar seg som arbeidssøkjarar hjå NAV, noko som svarar til om lag 600 per vyrkedag. Personar som har mista eller kjem til å miste jobben utgjer den største gruppa av dei nye arbeidssøkjarane, med 28 prosent. 13 prosent oppgir permittering som årsak til at dei registrerte seg, 11 prosent seier dei er usikre på jobbsituasjonen sin, og 11 prosent har sagt opp eller kjem til å seie opp jobben sin.
Størst nedgang innan reiseliv og transport
Talet på arbeidssøkjarar gjekk ned for alle yrkesgrupper frå september til oktober. Justert for normale sesongvariasjonar var nedgangen størst for dei med bakgrunn frå reiseliv og transport (-2 700), serviceyrker og anna arbeid (-1 300), samt butikk- og salsarbeid (- 900). Talet på heilt arbeidslause gjekk ned eller var uendra for alle yrkesgrupper, medan talet på delvis arbeidslause gjekk ned for alle yrkesgrupper.
Ved utgangen av oktober var delen heilt arbeidslause høgast innan reiseliv og transport, med 4,1 prosent av arbeidsstyrken, og lågast innan akademiske yrker og undervisning, begge med 0,7 prosent.
Størst nedgang i Oslo
Talet på arbeidssøkjarar har gått ned i alle fylker den siste månaden, justert for normale sesongvariasjonar. Nedgangen var størst for Oslo (-8 %), Viken (-7 %) og Trøndelag (-7 %). Både talet på heilt og delvis arbeidslause gjekk ned i alle fylker.
Delen heilt arbeidslause i prosent av arbeidsstyrken er høgast i Oslo, med 2,8 prosent, og lågast i Troms og Finnmark, med 1,6 prosent.
Størst nedgang i aldersgruppa 40-59 år
Talet på arbeidssøkjarar gjekk ned blant alle aldersgrupper frå september til oktober. Det var størst nedgang i talet på arbeidssøkjarar blant dei mellom 40-49 år (-7 %) og 50-59 år (-7 %).
Delen heilt arbeidslause er høgast i aldersgruppa 30-39 år, med 3,0 prosent av arbeidsstyrken, og lågast for dei under 20 år, med 1,1 prosent av arbeidsstyrken.
Høg etterspurnad etter arbeidskraft
I løpet av oktober vart det registrert 41 700 nye ledige stillingar på arbeidsplassen.no. Det svarar til 2 100 ledige stillingar per vyrkedag
Det var flest nye utlysingar innan helse, pleie og omsorg (8 100), butikk- og salsarbeid (4 500), ingeniør- og ikt-fag (4 000) og bygg og anlegg (3 900). På grunn av feil i publisert statistikk for ledige stillingar i 2020 er tala ikkje direkte samanliknbare med oktober 2020.
Hovedtall om arbeidsmarkedet oversiktsside
Hovedtall arbeidsmarkedet - oktober 2021 (pdf)
Hovedtall arbeidsmarkedet delvis ledige - oktober 2021 (pdf)
Hovedtall arbeidsmarkedet permitterte - oktober 2021 (pdf)
Sesongjusterte hovedtall om arbeidsmarkedet - oktober 2021 (pdf)
Helt ledige - Januar 1991 - oktober 2021 (pdf)
Helt ledige etter fylke og kommune - oktober 2021 (pdf)
Arbeidsmarkedet nå - oktober 2021 (pdf)
Se også nye tall på statistikksidene Søknader om dagpenger og Permitterte og varsel om permittering og masseoppsigelser.
For meir informasjon, kontakt pressevakta hjå NAV på telefon 400 03 144, presse@nav.no.
Fakta
Delvis arbeidslause
Ein gjennomgang av data frå meldekorta dei arbeidslause sender inn til NAV, viser at om lag 19,3 prosent av dei delvis arbeidslause har arbeida meir enn 35 timer i gjennomsnitt dei siste to vekene. Delen i oktober 2021 er på nivå med same periode i fjor. Dette vil både være personar som har skiftande arbeidstid og personar som er tilbake i arbeid, men som framleis sender inn meldekort. Talet på delvis arbeidslause kan dermed være noko for høgt i statistikken til NAV.
Ledige stillingar
NAV har avdekka at publisert statistikk for ledige stillingar for 2020 var for lav. Vi har difor vald å fjerne tala frå kolonna «Endring fra i fjor per virkedag. Prosent» i tabellane som inneheld stillingar. For oktober 2020 viste publisert statistikk 27 403 nye stillingar, medan det korrekte talet er om lag 31 840 stillingar. NAV estimerer altså ei auke på om lag 9 900 stillingar frå oktober i fjor til oktober i år. Det svarar til om lag 500 fleire stillingar per vyrkedag, og ein auke på 31 prosent.
Sesongjusterte tal
Arbeidsløysa fylgjer gjerne eit fast mønster gjennom året, såkalla sesongvariasjonar. For eksempel aukar alltid arbeidsløysa frå desember til januar, på grunn av at mange kontraktar går ut ved nyttår. Den aukar også om sommaren når mange nyutdanna skal i på arbeidsmarknaden. For å korrigere for desse faste svingingane og finne den underliggjande trenden brukar vi sesongjusterte tal. For meir om metoden som brukast, sjå Om sesongjusteringsmetode.