Publisert 13. oktober 2020
Sist veke har talet på personar i Rogaland som er heilt eller delvis utan arbeid blitt redusert med 313 personar.
Tysdag 13. oktober var det registrert 9401 personar heilt utan arbeid i Rogaland. Det utgjer 3,7 prosent av arbeidsstyrken. Snittet for Noreg er 3,6 prosent. 6831 personar er delvis arbeidslause, tilsvarande 2,7 prosent av arbeidsstyrken. 858 personar går på arbeidsretta tiltak (0,3 prosent).
– Hittil i oktober har det vore ein positiv utvikling i arbeidsløysa i Rogaland. Talet på både heilt arbeidslause og delvis arbeidslause er på veg nedover, seier direktør i NAV Rogaland, Merethe P. Haftorsen.
- Samanlikna med førre veke er det ein reduksjon i arbeidsløysa eller ein stabil utvikling for alle aldersgrupper og yrkesgrupper, fortel ho.
Høgast arbeidsløyse i Stavangerregionen
Sola, Stavanger og Sandnes er framleis kommunane med høgast del heilt arbeidslause i fylket med høvesvis 4,5 prosent, 4,2 prosent og 4,2 prosent av arbeidsstyrken. På Haugalandet ligg Haugesund høgast med 3,9 prosent. Lågast del heilt arbeidslause i Rogaland har Bokn og Sauda med høvesvis 0,9 prosent og 1,5 prosent av arbeidsstyrken.
Status for arbeidsløyse i Rogaland, veke for veke:
Status antall personar: | 22.09.2020 | 29.09.2020 | 06.10.2020 | 13.10.2020 |
Heilt utan arbeid | 9869 | 9759 | 9544 | 9401 |
Delvis utan arbeid | 7328 | 7138 | 7031 | 6861 |
Arbeidssøkarar på tiltak | 803 | 836 | 836 | 858 |
Status i prosent av arbeidsstyrken | 22.09.2020 | 29.09.2020 | 06.10.2020 | 13.10.2020 |
Heilt utan arbeid | 3,9 | 3,8 | 3,7 | 3,7 |
Delvis utan arbeid | 2,9 | 2,8 | 2,7 | 2,7 |
Arbeidssøkere på tiltak | 0,3 | 0,3 | 0,3 | 0,3 |