Rettesnor for vaktmeistrar
Rettesnor for service og reparasjon av trygdefinansierte hjelpemiddel, for vaktmeistrar som samarbeider med NAV Hjelpemiddelsentral Vestland, Førde.
I forskrift om habilitering og rehabilitering står det mellom anna at kommunen har ansvar for tilpassing, montering og enklare service og reparasjon.
Her har vi lista opp eksempel på kva som er kommunen sitt ansvar og kva som er NAV Hjelpemiddelsentral sitt ansvar.
Eksempel på kommunen sitt ansvar
- enklare service og reparasjon av alle typar utstyr, etter brukarhandbok
- service og reparasjon på manuell rullestol og rullator
- skifte motorar og handkontroll på seng
- skifte motorar og handkontroll på løfte-/kvilestol
- kontrollere nødstopp og varmekabel på heis og løfteplattform
- skifte batteri og elektriske komponentar på elektrisk rullestol*
- skifte batteri, hjul og handkontroll på mobil personløftar
- skifte handkontroll på stasjonær personsløftar
- montere, kontrollere og demontere varslingsutstyr for hørselshemma
- funksjonskontroll av teleslynge
- montere og kontrollere ir-anlegg, hørsel
- montere og kontrollere varmevakt og komfyrvakt
- periodisk ettersyn på seng som blir overført til ny brukar utan å vere innom hjelpemiddelsentralen*
- montere enkle rekkverk og terskeleliminator
- rettleie reparatør som er hos brukar på bestilling frå hjelpemiddelsentralen
* Krev kurs arrangert av NAV Hjelpemiddelsentral
Eksempel på NAV Hjelpemiddelsentral sitt ansvar
- reparere inni elektriske komponentar
- reparere/demontere trappeheis, løfteplattform og sjaktheis
- reparere/demontere takheis
- reparere/demontere omgjevnadkontroll
- tilpassing av aktiv manuell rullestol
- tilpasse/montere spesialtilpassa utstyr til sykkel