Dette er en automatisk rekonstruksjon og vil ikke nøyaktig gjenspeile hvordan siden ble opplevd på gjeldende tidspunkt. Les mer

Utdanning og dagpengar

Du kan kombinere utdanning med dagpengar dersom du ikkje mottek lån frå Lånekassen fram til og med 30. september 2021. Mottek du lån frå Lånekassen, kan du søke om å få godkjend utdanning med rett til dagpengar.

Kva må du gjere?

Du må søke dagpengar som permittert eller arbeidsledig.

Får ikkje lån frå Lånekassen

Du treng ikkje å søke om godkjenning av utdanninga di dersom du ikkje mottek lån frå Lånekassen. Dette gjeld frå 20. april 2020 fram til og med 30. september 2021. Kryss av for at du er under utdanning på meldekorta.

Sjølv om du no kan ta utdanning og samtidig få dagpengar, er det eit krav om at du må vere aktiv jobbsøkar og vere tilgjengeleg dersom du skulle få tilbod om ny jobb.

Får lån frå Lånekassen

Får du støtte frå Lånekassen må du søke om å få godkjend utdanninga di før du byrjar på utdanninga.

Dersom utdanninga ikkje gir rett til dagpenger, vil du ikkje få utbetalt dagpenger for periodar du har vore under utdanning, sjølv om du seinare avbryt utdanninga.

Du søker om godkjenning enten i søknad om dagpengar eller ved å sende inn skjemaet søknad om godkjenning av utdanning (skjema NAV 04-06.05).

Kryss av for at du er under utdanning på meldekorta.

Når kan du både motta dagpengar og lån frå Lånekassen?

Tilleggsinformasjon

Du kan ha rett til dagpengar når du tar utdanning sjøl om du mottek lån frå Lånekassen, om du

tek kurs eller tiltak som er godkjend av NAV.
kombinerte fulltidsarbeid med utdanning eller opplæring i minst 6 månadar før du blei heilt arbeidsledig eller heilt eller delvis permittert. Da kan du få dagpengar medan du held fram med studiane i opptil 6 månader.
deltek på utdanning eller opplæring utanfor vanleg arbeidstid (kvardagar frå kl. 08.00-16.00) med maksimalt 50 % studieprogresjon samanlikna med utdanning på heiltid, og maksimalt 10 dagar med undervisning på dagtid per semester. Har du sjølv kunne avgjerde kor mykje tid du brukar på utdanninga, må du passe på at du ikkje overstig 50 % studieprogresjon gjennom heile studiet.
tek kurs som totalt varer opptil 3 månadar. Utdanninga kan bli delt opp i bolkar eller du kan gjennomføre på deltid. Er kurset ein del av eit lengre utdanningsløp, ser vi på den totale lengden av utdanninga, sjølv om du berre tek ein del av utdanninga.
deltek på godkjend norskopplæring for vaksne innvandrarar på fulltid i inntil ett år, med mulighet for utvidelse.
deltek på introduksjonsprogram for nyankomne innvandrarar.

Det er nok at éit av punkta over gjeld deg for at du skal kunne få dagpengar mens du tek utdanning eller opplæring.

Kven er under utdanning eller opplæring?

Deltek du i organiserte aktivitetar som gir deg kunnskap du kan bruke i eit yrke, reknar vi at du er under utdanning eller opplæring. Døme på dette kan vere undervisning på vidaregåande skule, universitet, høgskule, fagskule, folkeuniversitetet og privatistutdanning, arbeid med doktorgradavhandling, timar på køyreskule, truckførerkurs, ulike datakurs eller andre kurs som skal betre kompetansen din.

Les du fagstoff som ein fritidsaktivitet utan å høyre til ein studiestad, blir du ikkje rekna for å vere under utdanning.

Gratis nettkurs og karriererettleiing

På utdanning.no finn du gratis nettbaserte kurs- og utdanningstilbod, desse er utvikla i regi av staten og partane i arbeidslivet. Kursa kan bidra til å auke kompetansen din innanfor utvalgte bransjar. Her finn du informasjon om nettbaserte kurs og utdanningar (utdanning.no).

Kompetanse Norge tilbyr òg gratis karriererettleiing. Les meir på karriereveiledning.no.

Historiske versjoner