Láhka lea fas rievdan suoidnemánu 1.b.2011 rájes nu ahte áhččeearri viiddiduvvo 12 vahkkui, ja áhčči oažžu rievtti váhnenruhtii jus eadni vuostáiváldá lámisvuođapenšuvnna. Dasa lassin viiddiduvvo ollislaš doarjjaáigodat ovttain vahkkuin.
Lea riegádandáhton dahje fuollabadjelasváldima dáhton adopšuvnnas mii mearrida mot láhkarievdadus váikkuha dutnje.
Láhkarievdadus mielddisbuktá ahte ii leat gáibádus ahte eadni galgá leat bargan unnimusat 50 proseantta ovdal riegádeami dahje adopšuvnna nu ahte áhčis galgá leat riekti áhččeearrái. Dattege lea eaktun ahte eatnis galgá leat riekti váhnenruhtii, dm. ahte son galgá leat bargan dan logi maŋemus mánu unnimusat guhtta mánu ovdal riegádeami dahje adopšuvnna ja jahkásaččat galgá leat dinen unnimusat beali vuođđosupmis. Láhkarievdadus gusto maiddái dilálašvuođaide mas riegádandáhton dahje fuollabadjelasváldima dáhton adopšuvnnas lea suoidnemánu 1.b.2010 dahje maŋŋel dan.
Láhkarievdadus mielddisbuktá ahte ollislaš doarjjaáigodat riegádeamis guhkiduvvui guvttiin vahkkuin 46 vahkkui 100 proseantta váhnenruđas ja 56 vahkkui 80 proseantta váhnenruđas. Seamma ládje doarjjaáigodat adopšuvnnas guhkiduvvui 43 vahkkui ja 53 vahkkui. Áhččeearri viiddiduvvui njeljiin vahkkuin 10 vahkkui.
Doarjjaáigodaga viiddideapmi gusto dilálašvuođaide go riegádeapmi dahje fuollabadjelasváldima dáhton lei suoidnemánu 1.b.2009 dahje maŋŋel dan.
Geahča makkár njuolggadusat dutnje gustojit:
Almmut Facebook:s
Almmut Twitter:s