Ovttahávvásašdoarjja riegádahttimis ja adopšuvnnas addo jus dus ii leat riekti váhnenruhtii.
Don galggat leat álbmotoaju miellahttu dan áigemuttus go riegádahttát dahje adopteret máná, vai dus galgá leat riekti ovttahávvásaš doarjagii.
Jus don riegádahttát máná ja it leat gártadan rievtti váhnenruhtii, de sáhtát oažžut ovttahávvásaš doarjaga riegádahttimis. Ovttahávvásaš doarjja addo juohke mánnái maid riegádahttát.
Jus don adopteret máná vuollel 15 jagi ja it leat gártadan rievtti váhnenruhtii, de addo ovttahávvásaš doarjja juohke adopterejuvvon mánnái. Seamma gusto jus leat dievdu ja adopteret okto.
Adopšuvdna náittosguoimmi mánáin ii atte rievtti ovttahávvásašdoarjagii.
Don sáhtát lohkat eambbo ovttahávvásaš njuolggadusaid birra olgešfálus.
Lea Stuoradiggi mii mearrida ovttahávvásašdoarjaga sturrodaga.
Doarjagis ii mávsse vearu.
Don galggat čálalaččat ohcat ovttahávvásašdoarjaga. Jus ozat ovttahávvásaš doarjaga riegádahttimis, de galggat geavahit skovi “ Ovttahávvásašdoarjaga ohcan riegádahttimis - NAV 14-05.07". Jus ozat ovttahávvásaš doarjaga adopšuvnnas, de geavahat skovi “ Ovttahávvásašdoarjaga ohcan adopšuvnnas - NAV 14-05.08".
Go leat válljen skovi, de ollet skovi bagadussii. Dán bagadusas galggat russestit makkár mildosiid ja dokumentašuvnnaid galggat bidjat ohcama mielde. Ovdasiidu maiddái rahpasa dutnje. Vai NAV galgá sáhttit meannudit du ohcama jođánit ja beaktilit, de bivdit du sáddet sisa dan mii čuožžu namuhuvvon ovdasiiddus. Bija ovdasiiddu bajimussii reivves.
Ovttahávvásaš doarjja olggosmáksojuvvo dábálaččat riegádahttima/adopšuvnna oktavuođas. Riegádahttimis sáhttá doarjja áramusat olggosmáksojuvvot go áhpehisvuohta lea bistán 26 vahku.
Don galggat ohcat ovttahávvásaš doarjaga maŋemusat guhtta mánu maŋŋel riegádahttima dahje adopšuvnna fuollabadjelasváldimis.
Dáppe leat deháleamos dieđut vuoigatvuođaid ja geatnegasvuođaid birra. Eambbo dieđuid gávnnat liŋkkaid bokte. Muhtin dieđut leat beare dárogillii.
|
Beløp pr barn
|
|---|
| 35 263 kr. |
