Áigeráddjejuvvon bálkádoarjja lea bargoguvllot doaibma mii galgá movttiidahttit bargoaddiid virgádit olbmuid dábálaš bálká- ja bargoeavttuiguin. Dábálaš priváhta fitnodagat ja almmolaš doaimmat sáhttet oažžut bálkádoarjaga ráddjejuvvon oassái dan áiggis go don leat virgáduvvon.
NAV sáhttá addit áigeráddjejuvvon bálkádoarjaga bargoaddiide geat virgádit olbmuid geain lea váttisvuohta beassat sisa bargomárkanii.
Jus bálkádoarjaga galggat sáhttit oažžut, de don galggat deavdit čuovvovaš gáibádusaid
Lea bargoaddi gii formálalaččat galgá ohcat bálkádoarjaga. Go don oassálasttát áigeráddjejuvvon bálkádoarjaga doibmii, de don leat virgáduvvon dábálaš bálká- ja bargoeavttuid mielde. Don galggat doaimmahit dábálaš bargguid fitnodagas, juogo olles- dahje oasseáiggis. Go don oaččut bálkádoarjaga, de áigumuššan das lea ahte don áiggi mielde galggat seamma bargoaddis oažžut bistevaš barggu.
Dárbo- dahje bargonákcaárvvoštallama vuođul galgá bálkádoarjaga bistin heivehuvvot du oktagaslaš dárbui.
Olbmot, geain lea vuoliduvvon bargonákca, sáhttet bálkádoarjaga oažžut eanemusat golmma jahkái. Earát sáhttet oažžut bálkádoarjaga eanemusat ovtta jahkái.
Du bargoaddi olggosmáksá dutnje dábálaš bálkká go searvvat áigeráddjejuvvon bálkádoarjaga doibmii.
Váldde oktavuođa NAV-kantuvrrain doppe gos don orut.
Don galggat ovttas bargoaddiin deavdit skoviid. Lea dehálaš ahte it álgge doibmii ovdal go NAV lea dohkkehan doaibmabáikki.
