Fertet jámma dieđihan NAV:i iežat dilálašvuođa birra go galggat leat registrerejuvvon bargoohccin dahje galggat oažžut beaiveruđa, bargočielggadanruđa ja doaibmadoarjagiid (indiviidadoarjaga). Dan dagat don go deavddát ja sáddet sisa dieđihangoartta juohke 14. beaivvi.
Dieđihangoarta lea iešcealkámuš dan birra maid leat bargan maŋemus 14. beaivvis.
Dieđihangoartta sáhttá sáddet elektruvnnalaččat Interneahta bokte dahje poastta mielde. Eatnasat dál sáddejit dieđihangoartta elektruvnnalaččat Interneahta bokte. Neahttačovdosis leat dárkkisteamit ja veahkketeavsttat vai galgá leat álkit deavdit goartta riekta. Dasa lassin olggosmáksojit ruđat jođáneappot ja don seasttát poastadivvada. Fertet leat registrerejuvvon Din side geavaheaddjin nav.no čujuhusas jus galggat Interneahta bokte sáddet dieđihangoartta.
Váldde oktavuođa NAV Bálvalusguovddážiin telefuvnnas 800 33 166 jus dus leat gažaldagat dieđihangoartta deavdima dahje sáddema birra.
