Supplerende stønad

Kven kan få supplerande stønad?

Du må ha opphaldsløyve og vere busett i Noreg.

Du får stønaden for tolv månader om gongen. To gonger i løpet av stønadsperioden må du på oppfølgingssamtaler hos NAV-kontoret ditt.

Stønaden er behovsprøvd, og all inntekt få Noreg og utlandet skal reknast med. Inntekta til eventuell ektefelle eller sambuar eller registrert partnar skal også reknast med. Stønaden blir også behovsprøvd mot formue.

Du misser stønaden dersom du oppheld deg utanfor Noreg i meir enn 90 dagar til saman i løpet av stønadsperioden.

Korleis søkjer du?

Du må møte personleg på NAV-kontoret ditt saman med eventuell ektefelle eller sambuar når du skal søkje. Det same gjeld når du skal søkje om forlenga stønad.
Husk å ta med deg pass eller anna reisedokument. Det er nødvendig for at du skal kunne legitimere deg.

Du kan skrive ut søknadsskjema frå lenkje.

Vedlegg til søknaden:

• Kopi av opphaldsløyve frå Utlendingsdirektoratet for søkjar og eventuell ektefelle eller sambuar og barn under 18 år
• Kopi av pass for søker og eventuell ektefelle eller sambuar og barn under 18 år
• Kopi av siste likningsutskrift eller siste sjølvmelding dersom den er nyare, for søkjar og eventuell ektefelle eller sambuar

Dette kan du gjere sjølv

Du kan få raskare svar om du skaffar den informasjonen som NAV-kontoret ditt treng for å behandle søknaden.

Kva kan du få?

Supplerande stønad skal sikre ei inntekt som svarer til folketrygdas minstepensjon for alderspensjonistar. Full stønad tilsvarer:

• Minste pensjonsnivå med høg sats for einslege stønadsmottakarar
• 125 prosent av minste pensjonsnivå med høg sats for personar med ektefelle under 67 år
• Minste pensjonsnivå med ordinær sats for kvar av ektefellane når begge har fylt 67 år

I tillegg gis 20 prosent av minste pensjonsnivå i stønad per barn under 18 år som personen forsørgjar og bur saman med.

Når du skal til utlandet

Dersom du skal vere i utlandet i meir enn 90 dagar i løpet av ein stønadsperiode, fell retten til stønad bort.

For andre som kjem til Norge

Først må du sjekke om du blir medlem i folketrygda.

Du kan ha rett til supplerende stønad dersom du ikkje har rett til ytingarr frå andre land som minst tilsvarer supplerende stønad. Stønaden kan ikkje erstatte andre ytingar.

Teksten er utarbeidd for å gje ei kort og enkel framstilling av ytinga/tenesta. Dersom du har behov for meir fullstendig informasjon bør du setje deg inn i regelverket du finn under "Regelverk"

Meld frå om endringar

Dersom du får endringar i inntekt, familiesituasjon og/eller jobbsituasjon, eller skal opphalde deg i utlandet, kan det ha noko å seie for beløpet du får utbetalt frå NAV. I slike tilfelle må du derfor straks melde frå til NAV-kontoret der du bur.