Søke jobb i Europa

Studiestaden din (universitet/høgskole) kan ha oversikt over ei rekkje jobbalternativ i EU-området. Dei kan formidle stipend til slike utplasseringar innanfor Leonardo da Vinci-programmet (EUs handlingsprogram for yrkes- og profesjonsutdanning). Du kan òg få stipend dersom du sjølv finn deg ein jobb i eit EU-land.

ERASMUS (EUs program for samarbeid mellom høgare utdanningsinstitusjonar), SOKRATES (EUs handlingsprogram for utdanning) eller NORDPLUS-programmet er andre eksempel på utveksling innanfor EU/EØS-land. Du kan òg finne ut om universitetet ditt har eigne samarbeid med andre lærestader.

EURES-nettverket i Noreg kan hjelpe deg langt på veg med informasjon og rettleiing om utplassering i eit anna EØS-land.

Nyttige nettsider:

EURODESK Her kan du sjå kva type ledige stillingar som er lyste ut, og lese om ulike program:

• EURODYSSEY er eit program for utveksling mellom europeiske regionar. Det gir ungdom i alderen 18–30 år sjansen til å gjennomføre eit tre til sju månader langt yrkesopplæringskurs i eit firma i eit anna land.
• IAESTE Norge sender årleg om lag 100 norske teknologistudentar på arbeidsopphald i nærmare 50 land. Omtrent like mange utanlandske studentar jobbar kvart år i norske bedrifter og på norske universitet gjennom utvekslingsprogrammet til IAESTE.

Andre kanalar som kan ha informasjon om praksis/trainee i utlandet:

• PLOTEUS, om studium og yrkesopplæring i Europa 
  EUs program for ungdomsutveksling og mobilitet  
• Oversikt over svenske traineeprogram
• ANSA Association of Norwegian Students Abroad
• AIESEC Verdas største studentorganisasjon. Studentar og nyutdanna kan få praksis gjennom AIESEC i utlandet.
• Europarådets traineeprogram

Det er mange norske og internasjonale bedrifter som tilbyr praksis/traineestillingar i Noreg og utlandet. Ei oversikt kan du mellom anna finne på heimesida til Karrieresenteret ved Universitetet i Bergen eller Karrieresenteret ved Universitetet i Oslo.

Bedriftspresentasjonane til Kaleidoskopet gir deg òg ei oversikt over bedrifter med traineeprogram i utlandet.

IKT – IKT traineeprogram

Forskarar – The European Researcher’s Mobility Portal

Juss – ELSA The European Law Students’ Association 

HUGS!

Du må vere tidleg ute. Sjølv om nokre bedrifter/institusjonar kan ha fleire traineeinntak per år, har mange berre eitt. Då er søknadsfristen ofte tidleg på året.

Når du skal til utlandet

Først må du sjekke om du beheld medlemskapen i folketrygda.