Søke jobb i Europa

Kva er ein bistandsorganisasjon?

Norsk bistand skal bidra til varige betringar i økonomiske, sosiale og politiske kår for folk i utviklingsland, med særleg vekt på at hjelpa skal komme dei fattigaste til gode. Bistandsorganisasjonar arbeider oftast parallelt med statlege organ, men er ikkje underlagde ei statleg myndigheit og blir som regel finansierte gjennom ei blanding av private donasjonar og offentlege løyvingar. Dei kan òg skape inntekt gjennom eigne kommersielle aktivitetar.

Kven kan få jobb i ein bistandsorganisasjon?

Som bistandsarbeidar kan du arbeide innanfor ei lang rekkje område. Størst etterspurnad er det etter personell med kunnskapar og bakgrunn frå økonomi, miljø, helse, jordbruk, undervisning, bygg- og anlegg, handverk og industri. Organisasjonane tilset oftast personale med fagleg utdanning og/eller relevant arbeidserfaring til oppdrag i utviklingsland.

Som søkjar til stillingar innanfor bistandsarbeid/nødhjelp må du som oftast gjennom omfattande testing, der det mellom anna blir lagt stor vekt på personlege eigenskapar. Motivasjon, samarbeidsevne, evne til kommunikasjon og kreativ problemløysing, gjennomtenkt planlegging og improvisasjon er nokre faktorar som blir vurderte.

Du må vere svært tilpassingsdyktig, både på det psykiske planet og i forhold til små og store praktiske utfordringar i dagleglivet. Nokre private organisasjonar vil stille krav om at du kan identifisere deg med organisasjonsformålet. (Kjelde: Jobbfeber.no)

Lenkjer til nokre bistandsorganisasjonar i Noreg

• Care Norge
  er ein del av CARE International, ein av dei største hjelpeorganisasjonane i verda. Dei driv bistand og nødhjelp over heile verda.
• Leger uten grenser
  er i dag verdas største uavhengige medisinske humanitære organisasjon, med prosjekt i meir enn 80 land over heile verda.
• Plan Norge
  er ein politisk og religiøst uavhengig bistandsorganisasjon som driv barnefokusert bistandsarbeid i 46 fattige land.
• SOS-barnebyer
  gir foreldrelause og forsømde barn ein familie og ein trygg heim, hjelper dei å skape si eiga framtid og tek del i utviklinga av lokalsamfunnet.
• Unicef Noreg

Lenkjer til sentrale utviklingsaktørar i Noreg

• Flyktninghjelpen
  er ei norsk privat stifting som gir hjelp og vern til menneske som er på flukt frå krig og konflikt. Har prosjekt i Noreg og 20 andre land.
• FN – Dei sameinte nasjonane
• Fredskorpset

organiserer utveksling av tilsette og medlemmer mellom organisasjonar, verksemder og bedrifter i Noreg og land i sør.

• Kirkens Nødhjelp
• Norad – direktoratet for utviklingssamarbeid
  skal sørgje for faglege råd til bistandsforvaltinga, finansiere norske og internasjonale bistandsorganisasjonar og kvalitetssikre og evaluere det norske utviklingssamarbeidet med fattige land.
• Norsk folkehjelp
• OECD – organisasjonen for økonomisk samarbeid og utvikling
  er eit forum der industrilanda frå heile verda drøfter saker av felles interesse, men med vekt på økonomiske aspekt og handelsaspekt.
• Redd Barna
• Røde Kors
• Verdsbanken
• Global.no
  Vegvisar til norske aktørar som arbeider med nord-sør-spørsmål og internasjonal utvikling,