Tema

NAV ynskjer å gje menneske med psykiske lidingar høve til å vera i arbeid. Gjennom ulike fagutviklingsprogram i regi av Nasjonal Strategiplan for arbeid og psykisk helse 2007-2012 ynskjer ein å skape eit meir tilrettelagt tilbod til ei stor og viktig målgruppe.

NAV Sogn og Fjordane deltek i følgjande fagutviklingsprogram:

Studiar med Støtte (SMS)
Studiar med støtte er eit tilbod til personar med psykiske lidingar som er i høgare utdanning og som har behov for støtte for å gjennomføre studiane. SMS gir oppfølging ved oppstart og gjennomføring av studiet, og i overgangen frå studiar til arbeid.

Kompetansepakke for arbeidslivet
Mange i arbeidslivet ynskjer meir kunnskap om korleis ein skal møte medarbeidarar med psykiske helseproblem. ”Ser deg i morgon” er eit kursopplegg som er retta i mot leiarar, tillitsvalde og verneombod som omhandlar tema innan arbeid og psykisk helse. Føremålet med kurspakken er å styrka arbeidsplassane i arbeidet med å førebygga og tilrettelegga for tilsette med psykiske helseproblem.

Nettverksbygging og kompetanseheving
Det vert utvikla ulike kompetansetiltak mot tilsette i NAV og ulike samarbeidspartar der ein legg vekt på å heva kompetanse og å byggja nettverk. Ei målsetjing med kompetansetiltaka er å auka kompetansen innan arbeid og psykisk helse. Ei anna viktig målsetjing er å betre samhandlinga mellom NAV, helsetenesta og andre samarbeidspartar.

Ynskjer du meir informasjon om satsinga i Sogn og Fjordane kan du kontakte ditt NAV-kontor, eller fylkeskoordinator for arbeid og psykisk helse, Henny-Kristin Asperanden Navarsete.

Epost: henny-kristin.asperanden.navarsete@nav.no

Du kan også lese meir på NAV sine nasjonale sider.