Pressemeldinger

Samanlikna med same månad i fjor er det registrert vel 130 fleire arbeidsledige i fylket. Veksten i arbeidsløysa er forholdsvis beskjeden, og utviklinga held seg stabil i forhold til førre månad.

- I europeisk målestokk held arbeidsløysa seg låg i Noreg. I Hordaland ser vi i også at arbeidsløysa ligg under landsgjennomsnittet på 2,8 prosent, kommenterer Bogsnes.

Olje og gass-sektoren er en drivkraft på vestlandet. I denne sektoren held  investeringane seg på eit stabilt høgt nivå. Det har positiv effekt på arbeidsmarknaden i fylket.

Gryande optimisme innan bygg og anlegg

Næringsbarometeret for våren 2010 viste at halvparten av bedriftene innan bygg og anlegg venta meir stabile marknadsforhold i år. Arbeidsmarknadstala for juni viser at arbeidsløysa innan bygg og anlegg har gått ned 8,4 prosent samanlikna med same månad i fjor.

Det er likevel framleis registrert flest ledige innan bygg og anlegg, og industriarbeid. Lågast arbeidsløyse finn innan jordbruk, skogbruk og fiske, blant leiarar, og innan akademiske yrke og undervisning.  

 Flest ledige stillingar finn vi innan helse, pleie og omsorg, butikk- og salsarbeid, og undervisning.

 Andre sentrale tal

• Det er registrert flest arbeidsledige i Bergen, Stord, Askøy og Fjell. Færrast arbeidsledige finn vi i Modalen, Granvin og Eidfjord.
• Arbeidsløysa er høgare blant menn enn blant kvinner. Av dei arbeidsledige i Hordaland utgjer 3790 menn og 2425 kvinner.
• Det er i aldersgruppa 20 -24 år at arbeidsløysa er høgast (4,3%).