Hordaland

Ser me på dei sesongjusterte tala, så er det ei lita auke frå juni til juli. Talet på ledige i Hordaland har helde seg stabilt i lengre tid, dersom ein tek høgde for sesongvariasjonane. - - Sjølv med ei auke i ledigheita samanlikna med i fjor, så tydar alt på vi vil oppleve nedgang i arbeidsløysa i løpet av året, seier Tommy Johansen.   

Positive tendensar

Dersom me slår saman dei heilt ledige, delvis ledige og deltakarar på ordinære arbeidsmarknadstiltak dei seinaste månadane, så er det ein tendens i Hordaland at det totale talet går nedover. Det var flest i mars i år med over 12 000 til saman i desse kategoriane, mens det i juli berre er rett under 10 000 i dei same.

I same tidsrom har talet på delvis og heilt permitterte i Hordaland vorte redusert frå 2286 i mars i år, medan det i juli berre var 1010 permitterte.

 Ser me på utlyste stillingar i juli, er det ei auke på 19 % frå juli i fjor. Auka kjem hovudsakleg innan industrien, serviceyrka, og bygg og anlegg.

 Andre sentrale tal

• Arbeidsløysa i Hordaland er lågast i Eidfjord, Ullensvang, Jondal, Modalen, og Austevoll. Den høgaste arbeidsløysa finn ein på Stord, og i dei sentrale bydelane i Bergen.
• Det er flest arbeidsledige i aldersgruppa 20 – 24 år.
• Det er ein nedgong i talet på heilt ledige under 19 år. Dette kan hengje saman med at det er ein stor auke i innsøkinga til høgare utdanning.

Sjå elles vedlagte statistikkar.