Hjelpemiddelområder

Kven kan få bilstønad?

Du kan ha rett til bilstønad dersom du har ei varig funksjonshemming som gjer at du ikkje kan bruke offentlege kommunikasjonsmiddel, eller dersom bruk av offentlege kommunikasjonsmiddel fører til urimelege belastningar for deg. I tillegg må du ha eit behov for bil for å kunne

• Reise til og frå arbeids- eller utdanningsstad
• Gjere oppgåvene dine som heimearbeidande
• Forhindre eller bryte eit isolert tilvære
• Avlaste familien når funksjonshemminga fører til særleg stor pleiebyrde og med det kan hindre innlegging i helseinstitusjon.

Det blir ikkje gitt stønad dersom ein har fått funksjonshemminga etter fylte 70 år.

Riktig søknad gir raskare svar

Du kan få raskare svar dersom du sjølv skaffar den informasjonen NAV treng for å behandle søknaden. Du kan inngå ein serviceavtale med NAV-kontoret om dette.

I søknaden må det komme fram

• At du har eit reelt og stort behov for transport som ikkje kan bli dekt på annan måte enn ved hjelp av eigen bil
• Kvifor du ikkje kan bruke andre ordningar, for eksempel grunnstønad eller TT-ordning

Vedlegg til søknaden

• Legeerklæring

Søknaden sender du til lokalt NAV-kontor.

Kor lang tid tek det?

Dei fleste søknadene til standard bil blir avgjorde innan fire månader. Maksimal behandlingstid er tolv månader.

Dei fleste søknadene til spesialtilpassa bil blir avgjorde innan åtte månader. Maksimal behandlingstid er tolv månader.

Leveringstida (etter søknadsbehandling) er avhengig av

• Om det er bilar tilgjengelege i hjelpemiddelsentralen eller hos forhandlar
• Kor lang tid spesialtilpassinga tek

Kva kan du få?

Du får anten eit tilskott  eller eit rente- og avdragsfritt lån til kjøp av bil, avhengig av kva slags bil du har behov for.

Spesialutstyr og tilpassing av bilen som er nødvendig på grunn av funksjonshemminga, blir gitt som tilskott utan økonomisk behovsprøving. Det er inga øvre grense for kor mykje det kan koste.

Fabrikkmontert standardutstyr, som for eksempel automatgir og servostyring, blir ikkje rekna som spesialutstyr.

Kjøreopplæring

Fyller du vilkåra for bilstønad, kan du også få tilskott til nødvendig kjøreopplæring. Tilskottet er økonomisk behovsprøvd og blir rekna ut på same måten som til bil.

Korleis påverkar inntekta stønaden?

Dersom alminneleg inntekt før særfrådrag er høgare enn 6 G, blir det ikkje gitt tilskott til gruppe 1-bil, og eigendelen ved kjøp av gruppe 2-bil blir på 150 000 kroner. Inntekta til foreldra blir lagd til grunn når ein gir stønad til bil til barn.

Les meir om grunnbeløpa i folketrygda.   

Inntekter mellom		Lån / tilskott i prosent
0 - 3 G		100
3 - 3,5 G		80
3,5 - 4 G		70
4 - 4,5 G		60
4,5 - 5 G		50
5 - 5,5 G		40
5,5 - 6 G		20

 

Andre ordningar som kan vere aktuelle

TT-ordninga (spør i kommunen der du bur)

Når du skal til utlandet

Du kan ha med bilen på ferie i utlandet i inntil éin månad. Les meir om reglane for hjelpemiddel i utlandet.