Hjelpestønad

Det er ein føresetnad at du har eit privat pleieforhold, eller at hjelpestønaden set deg i stand til å opprette eit slikt privat pleieforhold. Når vi vurderer hjelpebehovet, legg vi òg vekt på behovet for stimulering, opplæring og trening i heimen.

Når har ein eit særskilt pleie- og tilsynsbehov?

• Når evna til å klare seg utan tilsyn sviktar, både inne og ute, både dag og natt
• Når ein har behov for hjelp til personleg stell/hygiene og hjelp i samband med måltid

Kva er privat pleieforhold?

Det vil seie at pleia eller tilsynet blir utført av private, til dømes

• ektefelle
• barn
• foreldre
• andre slektningar
• naboar eller andre

Korleis søkjer du?

Du må søkje skriftleg om hjelpestønad. Du søkjer på skjemaet ”Krav om hjelpestønad – NAV 06-03.04”, som du finn under Skjema i menyen til høgre.

Når du har valt skjema, kjem du til skjemarettleiaren. I denne rettleiaren skal du krysse av for kva vedlegg og kva slags dokumentasjon du må leggje ved søknaden. Du får òg opp ei førsteside. For at NAV skal kunne behandle søknaden din raskt og effektivt, ber vi deg om å sende inn det som står nemnt på førstesida. Legg førstesida øvst i brevet.

Det er viktig å få fram i søknaden at du har eit privat pleieforhold, eller at hjelpestønaden vil gi deg høve til å opprette det.

Innhenting av dokumentasjon

Innhenting av legeerklæring og eventuelt andre rapportar, til dømes frå PPT eller skule

Kva kan du få?

Utgiftene må minst svare til sats 1 (ordinær hjelpestønad).

Avgrensingar

Hjelpebehov som det offentlege dekkjer etter andre lover, til dømes heimesjukepleie, kan ikkje dekkjast av hjelpestønad. Det gjeld sjølv om du må betale eigendel til kommunen for tenesta. Dersom du er hjelpetrengande og ikkje har klart å få i stand eit pleieforhold på grunn av svak økonomi, kan du likevel få hjelpestønad. Føresetnaden er at du då får i stand eit pleieforhold når hjelpestønaden blir utbetalt.

Når blir pengane utbetalte?

Hjelpestønaden er skattefri og blir utbetalt ein gong i månaden.