Forhøyet hjelpestønad

Det er ein føresetnad at utvida hjelpestønad gjer det lettare for barnet å bli buande heime.

Ved vurderinga av pleie- og tilsynsbehovet og kva satsen skal vere, blir det lagt vekt på

• kor mykje den fysiske og psykiske funksjonsevna er nedsett
• kor omfattande pleieoppgåva og tilsynet er
• kor stort behovet for stimulering, opplæring og trening er
• kor mykje pleieoppgåva bind den som gjer arbeidet

Det er den totale arbeidsbelastinga til den som utfører pleia/tilsynet, som er avgjerande, ikkje omfanget av utgifter til leigd hjelp eller inntektstap som følgje av pleiebyrda.

Dersom barnet døyr, har foreldra til barn som har fått hjelpestønad i minst tre år, rett til hjelpestønad i ein overgangsperiode på tre månader etter at det ikkje lenger er behov for tilsyn og pleie.

Kva kan du få?

Utvida hjelpestønad blir gitt etter tre satsar.

Korleis søkjer du?

Du må søkje skriftleg om utvida hjelpestønad. Du søkjer på skjemaet ”Krav om hjelpestønad – NAV 06-04.04”, som du finn under Skjema i menyen til høgre.

Når du har valt skjema, kjem du til skjemarettleiaren. I denne rettleiaren skal du krysse av for kva vedlegg og kva slags dokumentasjon du må leggje ved søknaden. Du får òg opp ei førsteside. For at NAV skal kunne behandle søknaden din raskt og effektivt, ber vi deg om å sende inn det som står nemnt på førstesida. Legg førstesida øvst i brevet.

Innsending av dokumentasjon

Legeerklæring som viser

• kor mykje funksjonsevna er nedsett, og kva som er årsaka til det
• kor stort behovet for stimulering, opplæring og trening er

Beskriving frå deg om omfanget av pleieoppgåva

Eventuelt òg andre rapportar, til dømes frå PPT eller skule

Når blir pengane utbetalte?

Hjelpestønaden er skattefri og blir utbetalt ein gong i månaden. Utvida hjelpestønad blir utbetalt til og med den månaden barnet fyller 18 år. 

Meld frå om endringar

Dersom du får endringar i forhold som kan ha verknad for ytelsen du får utbetalt fra NAV, må du straks melde frå til NAV.