Du har plikt til å gje NAV riktige opplysningar

Det er eigne reglar for dei forskjellige stønadene frå NAV. Dersom du er usikker på om endringa vil virke inn på utbetalinga di, kan du lese meir i vedtaksbrevet du har fått frå oss. Meir informasjon om opplysningsplikta di finn du her på nav.no, på sida som handlar om stønaden du får.

Du må for eksempel melde frå dersom

• du begynner å tene meir eller mindre enn du tidlegare har oppgitt til NAV
• det skjer endringar i familiesituasjonen din
• du skal jobbe meir enn du har gitt beskjed om til NAV
• du skal opphalde deg i utlandet
• du er usikker på om endringar i livssituasjonen din eller inntekta di kan ha noko å seie for kva du får utbetalt frå NAV

Har du fått for lite eller for mykje pengar frå NAV?

For at du skal få utbetalt riktig beløp, er vi avhengig av at du gjer oss riktige opplysningar og melder frå når det skjer endringar i livssituasjonen din eller inntekta di. Dersom du gjer ufullstendige eller feil opplysningar kan du få utbetalt feil beløp.