Jobbintervju

Slik førebur du deg til jobbintervjuet

Skaff deg god kjennskap til bedrifta:

• Finn informasjon på bedrifta si heimeside.
• Det kan òg vere lurt å lese årsrapporten.
• Kjenner du nokon i bedrifta eller bransjen du kan ta kontakt med?
• Du kan også ringje bedrifta for å få informasjon, men ikkje spør om opplagde ting som du lett kan finne på heimesida.

Les gjennom stillingsannonsen, søknaden og CVen på nytt før intervjuet

• Tenk godt gjennom kvifor du vil ha denne jobben og kvifor arbeidsgjevar bør velje deg.
• Tenk nøye igjennom korleis du vil du presentere deg sjølv.
• Forbered deg på kva for spørsmål kan du få på intervjuet,
• Tenk gjennom kva du kan du bidra med i bedrifta.
• Tenk gjennom dine sterke og svake sider.

Sjølve intervjudagen

• Ta med deg notat, CVen, søknaden, attestar og vitnemål til intervjuet.
• Kle deg ordentleg.
• Møt i rett tid.
• Hugs kva for avdeling du skal til, og kven som er kontaktpersonen for stillinga.
• Eit fast handtrykk og god blikkontakt gjev alltid eit godt inntrykk.

Slik kan eit intervju gå føre seg:

Du vil møte mellom to og fem personar – dei har som regel ulike roller i bedrifta. Arbeidsgjevar opnar med å fortelje om bedrifta og den ledige jobben. Dersom det er informasjon som du på førehand ikkje har fått svar på, kan du spørje om dette under intervjuet. Eksempel på dette kan vere om arbeidsoppgåver, utviklingsmoglegheiter og arbeidsmiljø. Eit intervju varer vanlegvis 45-90 minuttar.

Somme gonger kan du bli spurt om å gå gjennom ein personlegdomstest.

Einskilde arbeidsgjevarar intervjuar kandidatar i grupper, men det får du vanlegvis beskjed om på førehand.

Du presenterer deg, og arbeidsgjevar stiller deg spørsmål. Under finn du nokre av dei spørsmåla det er vanleg å stille under eit intervju. Du kan òg få andre spørsmål, og det er heller ikkje slik at arbeidsgjevar alltid stiller alle desse spørsmåla. På førehand må du ha tenkt gjennom korleis du vil svare.

• Kvifor søkte du på denne jobben?
• Kva har du arbeidd med tidlegare?
• Kvifor slutta du i ditt tidlegare arbeid?
• Kva for sterke sider har du i ein arbeidssituasjon?
• Kva gjorde du i den perioden det er hol i CVen?
• Blir du lett stressa? Kva meiner du om arbeid under tidspress?
• Føretrekkjer du faste rutinar, eller må det vere nye oppgåver heile tida?
• Kva for arbeidsoppgåver trivst du best med?
• Kva for arbeidsoppgåver trivst du minst med?
• Kva er det mest positive og negative du kan seie om deg sjølv?
• Føretrekkjer du å jobbe sjølvstendig eller i team?
• Kvifor bør vi tilsetje akkurat deg?
• Kva kan du bidra med i denne jobben?
• Kva trur du at du jobbar med om fem år?
• Fortel om familien din (sivilstand).
• Kva trur du kan bli vanskeleg i denne nye jobben?

Etter intervjuet

Send gjerne ein e-post der du takkar for eit hyggeleg intervju.

Du kan ringje etter om lag 14 dagar dersom du ikkje har høyrt noko frå arbeidsgjevar.

Ikkje mist motet sjølv om du ikkje fikk jobben. Gløym ikkje at når du blei innkalla til intervju, rekna arbeidsgjevar deg som kvalifisert til stillinga! Det er god trening i å gå på intervju. Du kan ha gjort eit flott inntrykk sjølv om du ikkje fekk jobben. 

Du kan kontakte den du var til intervju hos og spørje om kvifor det ikkje blei deg.