Stønader ved tiltak

Kva for ytingar kan du få?

Basisyting og barnetillegg skal dekkje utgiftene dine til livsopphald og blir gitt for dei dagane du er med på tiltaket. Du kan få barnetillegg for barn under seksten år som du forsørgjer. Du må leggje fram fødselsattest eller bustadbevis for å ha rett til barnetillegg.

Du kan få tilleggsstønader til å dekkje ekstrautgifter du har i samband med tiltaket. Du må dokumentere utgiftene.

• Du kan få dekt tilskott til daglege reiseutgifter dersom du har ein reiseveg som er lengre enn seks kilometer éin veg.
• Du kan få tilsynstillegg dersom du på grunn av tiltaket har utgifter til stell og pass av barn under ti år. Du kan også få tilsynstillegg for barn over ti år og for familiemedlemmer. Ta kontakt med NAV-kontoret for nærmare opplysningar.
• Du kan få bortebuartillegg dersom du må bu borte frå heimen under tiltaket.
• Du kan få tilskott til heimreiser dersom du bur borte frå heimen under tiltaket i meir enn fire månader, og at du i løpet av tiltaket tar godkjend ferie.
• Du kan få stønad til skolemateriell dersom du deltek i ordinær utdanning som ledd i arbeidsretta aktivitet og ikkje har rett til tilsvarande ytingar etter anna regelverk.
• Du kan få refundert legeutgifter som er nødvendige for å gjennomføre tiltaket dersom du legg fram rekning.

Du har ikkje rett til desse ytingane dersom du

• får lønn som vanleg arbeidstakar
• har rett til andre ytingar som skal dekkje dei same utgiftene

Barnetrygd, kontantstøtte og barnepensjon verkar ikkje inn på retten til ytingar under gjennomføring av tiltak.

Dersom du ved tiltaksstart tek imot eller har søkt om dagpengar, kan du velje om du ønskjer å få dagpengar eller stønader ved tiltak. Får du dagpengar under tiltak, kan du få tilskott til dekning av reiseutgifter, men ikkje andre tilleggsstønader.

Dersom du er med i tiltak gjennom Kvalifiseringsprogrammet, vil du motta kvalifiseringsstønad i staden for basisyting og barnetillegg. Men du kan søkje om tilleggsstønader som nevnt ovanfor til dekkjing av dokumenterte ekstrautgifter du har i samband med tiltaket.

Korleis søkjer du?

Når du startar på tiltaket, får du utdelt eit kravskjema om stønader ved tiltak (individstønad).

Vedlegg til kravskjemaet

• Dokumentasjon for utgiftene du søkjer dekning til
  Du må levere utfylt kravskjema til NAV-kontoret så fort som mogleg. NAV-kontoret kan hjelpe deg med utfyllinga.

Klage på vedtak

Klagen skal vere skriftleg og leverast eller sendast ditt lokale NAV-kontor. NAV-kontoret kan hjelpe deg med å skrive klagen. Du må halde fram med å sende inn meldekort sjølv om du klagar.

Fristen for å klage er seks veker rekna frå den dagen vedtaket kom i postkassa di.

Dersom du får medhald i klagen din, får, får du etterbetalt ytingar berre for dei dagane du har vore registrert som reell arbeidssøkjar. Du må også fylle dei alminnelege vilkåra for ytingane.

Dette kan du gjere sjølv

• Registrere deg som arbeidssøkjar hos NAV
• Sende elektronisk meldekort
• Leggje CV-en din ut for arbeidsgivarar utan noka anna tilknyting til NAV
• Søkje etter ledige stillingar
• Abonnere på stillingsannonsar via jobbmail

Kva kan du få?

Basisytinga er avhengig av alderen din på søknadstidspunktet. Du får høg sats om du er over nitten år, og låg sats om du er under nitten år. Sjå satsar nedanfor.

Når blir pengane utbetalte?

Du får utbetaling for dei dagane du deltek på tiltak, og dessutan for heilagdagar i samband med jul, nyttår, påske, pinse, 1. og 17. mai og Kristi himmelfartsdag når desse fell på dagar som normalt ville ha vore tiltaksdagar.

Ytingar som blir utbetalte på grunnlag av opplysningane på meldekortet, får du utbetalt om lag to til fire dagar etter at meldekortet ditt er registrert hos NAV. Dette gjeld basisyting, barnetillegg, tilskott til daglege reiser, tilsynstillegg og bortebuartillegg.

Alle ytingar blir utbetalte når NAV har fått tilstrekkeleg dokumentasjon til å gjere ei vurdering og utbetaling.

Andre ytingar som er nemnde her, er skattefrie, og er ikkje pensjonsgivande inntekt.   

Tap av tiltaksplass

Du mistar tiltaksplassen dersom du

• ikkje møter på tiltaket første dagen utan å ha meldt frå om fråværet
• har begynt på eit tiltak og har så mykje fråvær at det ikkje lenger er rekna som føremålstenleg at du fullfører tiltaket

Du mistar også retten til ytingar.

Andre ordningar som kan vere aktuelle

• Din meldeplikt
• Uriktige eller mangelfulle opplysningar
• Dagpengar under arbeidsløyse

Meld frå om endringar

Dersom du får endringar i forhold som kan ha verknad for ytelsen du får utbetalt fra NAV, må du straks melde frå til NAV.