Gjeld krav i samsvar med dekningslova § 9-3 andre leddet
Lønnskrav som forfall til betaling seinare enn fire månader før fristdagen, kan likevel dekkjast dersom du utan ugrunna opphald etter forfall har prøvd å drive inn kravet, eller dersom du har sett i verk tiltak etter konkurslova § 63 for å få opna konkurs hos arbeidsgivaren.
Om du har handla utan ugrunna opphald, er avhengig av ei konkret vurdering. I forvaltingspraksis er det lagt til grunn at ein kan godta ein periode på inntil tolv veker frå forfall og til inndrivinga blir påbegynt. Vilkåret om å handle utan ugrunna opphald gjeld alle skritt i inndrivings- og/eller konkursprosessen.
Feriepengekrav som er opptent seinare enn 24 månader før fristdagen, kan likevel dekkjast dersom feriepengane forfall til betaling seinare enn fire månader før fristdagen. Unntaksregelen som gjeld for lønnskrav, gjeld òg for feriepengekrav dersom arbeidstakaren utan ugrunna opphald har prøvd å drive inn fordringa eller har sett i verk tiltak etter konkurslova § 63 for å få opna konkurs hos arbeidsgivaren. Meir om ”utan ugrunna opphald” ovanfor under punktet om lønnskrav.
Del på Facebook
Del på Twitter