Sogn og Fjordane

NAV Arbeidslivssenter dreg lasset når det gjeld sjølve gjennomføringa. HMS-dagen har utvikla seg til å bli ei god blandig både av fag og litt kultur, men har også etter kvart vorte ein møteplass for å få kontaktar og å byggje nettverk.

Minneverdig kulturinnslag

Kulturdelen vart i år ivareteken på ein glitrande måte av fire elevar frå musikklina ved Firda vidaregåande skule. Vi som var til stades vil hugse det og alle dei andre gjekk glipp av noko.

Seniorkonsulent ved Norges Handelshøgskole Nils-Helge Fjeld hadde hovudinnlegget: "Lederne må gå foran." Tema knytt til omstilling og endringsutfordringar vart også utdjupa i den eine av to parallellar.

Eit fyrverkeri av ei framføring

Elles nemner vi at Kjartan Olafsson hadde ein nyttig gjennomgang av den nye sjukemeldingsblanketten og at den faglege delen vart avslutta av Anne Gerd Samuelsen, med det mange vil karakterisere som eit fyrverkeri av ei framføring med fokus på helse og arbeidsglede, kommunikasjon og samspel.

Dagen vart avslutta med utdeling av "Eldsjelprisar" til to personar som i sine verksemder, kvar på sin måte, har gjort noko ekstraordinært for HMS og for sitt eige arbeidsmiljø.

Powerpointpresentasjoner frå alle innlegga, finn du i lenkjene til høgre.

For meir informasjon, kontakt Kåre Gimmestad, NAV Arbeidslivssenter Sogn og Fjordane, tlf. 958 99024.