Individuelle ordninger

Kven kan få transport til arbeid og skole?

Funksjonsvanskane må vere varige, det vil seie meir enn eitt år. Transportbehovet kan vere kortare. Ved vurderinga skal ein ta omsyn til om ei reise kan vere ei så stor belastning at ho hindrar deg i å fungere tilfredsstillande i arbeids- eller utdanningssituasjonen. Blinde og svaksynte er også omfatta av ordninga.

Om det manglar eit kollektivtilbod i nærmiljøet ditt, er ikkje det aleine grunn til å få dekt utgifter til transport dersom du i utgangspunktet er frisk nok til å bruke offentleg transportmiddel.

Eigendel

Du betaler ein eigendel på transporten som tilsvarer den rimelegaste transporten med offentleg kommunikasjon der du bur.

Reise saman med andre

Transporten din skal samordnast med andre dersom det er føremålstenleg og ikkje fører til store ulemper for deg.

Avgrensingar

Du får ikkje dekt transport dersom

• Du er elev i grunn- eller vidaregåande skole der kommunen eller fylkeskommunen har ansvaret for å dekkje reisa til skolen
• Du deltek i varig tilrettelagt arbeid og samtidig tek imot uførepensjon

Eller du allereie får dekt

• Bil frå Folketrygda
• TT-reiser til arbeid eller utdanning
• Daglege reiseutgifter frå lokalt NAV-kontor
• Grunnstønad til transport

Reiser som er ein del av jobben skal dekkjast av arbeidsgivar.

Frå og med 2010 er maksimalt stønadsbeløp kroner 25.000 per månad.

Nokre forklaringar

Dersom du tek imot grunnstønad til transport og dette ikkje dekkjer dei reelle utgiftene, kan du søkje om å få dekt det resterande transportbehovet ditt. Alternativt kan du seie frå deg grunnstønaden og få full dekning gjennom forsøksordninga.

Dersom vêrforholda er vanskelege i periodar av året, eller dersom du har bilen til reparasjon lenger enn ei veke, kan du få dekt transportbehovet ditt ved denne ordninga, sjølv om du alt tek imot stønad til bil frå folketrygda.

Riktig søknad gir raskare svar

Du kan få raskare svar dersom du sjølv skaffar den informasjonen som hjelpemiddelsentralen treng for å behandle søknaden.

Vedlegg til søknaden

• Det medisinske behovet for transport må dokumenterast med legeerklæring.
• Dersom du allereie er i arbeid eller under utdanning, sender du dokumentasjon på dette.

Dersom du prøver å få arbeid eller studieplass, kan du søkje om førehandsgodkjenning av transport. Når du har fått arbeid eller studieplass, sender du etter dokumentasjon på dette.

Søknaden skal sendast til:

NAV Forvaltning Oppland,
Serviceboks
2626 Lillehammer

Tlf.: 61 41 79 70

 

Du kan også sende søknaden til lokalt NAV-kontor som vil vidaresende søknaden.